سابقہ قبائلی اضلاع کی ترقی اولین ترجیح ہے، وزیر اعظم

وریشہ مسعود

28th Jun, 2021. 11:25 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سابقہ قبائلی اضلاع کی ترقی اولین ترجیح ہے، وزیر اعظم

وزیر اعظم عمران خان نے کہا ہے کہ سابقہ قبائلی اضلاع کی ترقی اولین ترجیح ہے۔

تفصیلات کے مطابق وزیر اعظم عمران خان سے سابقہ قبائلی اضلاع سے تعلق رکھنے والے اراکین قومی اسمبلی کی ملاقات ہوئی۔

اس موقع پر وزیر اعظم عمران خان نے کہا کہ سابقہ قبائلی اضلاع کی ترقی اولین ترجیح ہے، چاہتے ہیں کہ سابقہ قبائلی اضلاع کے شہری مکمل طور پر قومی دھارے میں شامل ہوں۔

ملاقات کرنے والوں میں گل داد خان، گل ظفر خان، ساجد خان، محمد اقبال خان ، وزیر برائے مذہبی امور پیر نور الحق قادری ، فخر زمان خان اور جواد حسین شریک ہوئے۔

دوسری جانب وزیر اعظم عمران خان سے خواتین اراکین قومی اسمبلی کی ملاقات ہوئی جس میں خواتین کی بہتری اور ترقی کے لئے مختلف اقدامات پر گفتگو کی گئی۔

اس موقع پر خواتین اراکین اسمبلی نے بجٹ پر وزیر عظم اور حکومتی معاشی ٹیم کو خراج تحسین پیش کیا۔

ملاقات کرنے والوں میں سیمی بخاری، صوبیہ کمال، روبینہ جمیل، فوزیہ ، رخسانہ نوید، تاشفین سردار، وجیہہ اکرم ، صائمہ ندیم اور ڈاکٹر ظل ہما شریک ہوئیں۔