وزیراعظم عمران خان نے کہا ہے کہ سندھ کی عوام کو ڈاکوؤں سے نجات دلائیں گے۔

تفصیلات کے مطابق وزیرِ اعظم عمران خان سے رکن سندھ اسمبلی و لیڈر آف اپوزیشن حلیم عادل شیخ کی ملاقات کی اندرونی کہانی سامنے آگئی۔

[amazonad category=”Mobile”]

ملاقات میں سندھ اسمبلی و لیڈر آف اپوزیشن حلیم عادل شیخ نے سندھ میں گورننس کو کریمنل قرار دیتے ہوئے کہا کہ وزیراعظم صاحب سندھ کے لوگ آپ کی طرف دیکھ رہے ہیں۔

Advertisement

وزیرِ اعظم عمران خان سے رکن سندھ اسمبلی و لیڈر آف اپوزیشن حلیم عادل شیخ کی ملاقات pic.twitter.com/cq1iWIUS90

— Prime Minister’s Office, Pakistan (@PakPMO) July 8, 2021

حلیم عادل شیخ نے کہا کہ سندھ کے اپنے اعدادوشمار کے مطابق کرپشن میں اضافہ ہوا۔

سندھ اسمبلی و لیڈر آف اپوزیشن حلیم عادل شیخ نے مزید کہا کہ سندھ میں کرپشن انتہا کو پہنچ چکی ہے، کرپشن میں اضافے کے باوجود پی اے سی میں اپوزیشن کو نمائندگی نہیں دی گئی۔

ملاقات میں وزیراعظم عمران خان نے کہا کہ مشکل وقت میں سندھ کے لوگوں کے ساتھ کھڑے ہیں، سندھ کی عوام کو تنہا نہیں چھوڑیں گے۔

وزیراعظم نے کہا کہ سندھ میں بڑی سیاسی شخصیات تحریک انصاف میں شامل ہونا چاہتی ہیں۔

عمران خان نے یہ بھی کہا کہ آئندہ انتخابات کے حوالے سے سندھ کے ہر حلقے پر کام کیا جائے، آئندہ انتخابات میں ٹکٹوں کا فیصلہ ورکنگ کے بعد کیا جائے گا۔

وزیراعظم عمران خان نے مزید کہا کہ رواں سال اربوں روپے ترقیاتی فنڈز سندھ کے لیے مختص کئے، جلد سندھ کا دورہ کروں گا۔