جوہر ٹاؤن دھماکے کے تانے بانے بھارت سے جڑتے ہیں، عالمی ادارے کارروائی کریں، عمران خان

کلثوم ہرا

04th Jul, 2021. 08:32 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

جوہر ٹاؤن دھماکے کے تانے بانے بھارت سے جڑتے ہیں، عالمی ادارے کارروائی کریں، عمران خان

وزیراعظم عمران خان نے جوہر ٹاؤن دھماکے کے تانے بانے بھارت سے ملنے پر دنیا کے تمام ممالک سے بڑا مطالبہ کردیا۔

تفصیلات کے مطابق وزیر اعظم عمران خان نے جوہر ٹاؤن دھماکے کی تفتیش کے حوالے سے ہونے والی پریس کانفرنس کے بعد ایک اہم بیان جاری کیا۔

[amazonad category=”Mobile”]

انہوں نے ٹیم کو ہدایت کی کہ آج جوہرٹاؤن دھماکےکی تحقیقات پر قوم کو تفصیل فراہم کریں۔

عمران خان نے کہا کہ پنجاب پولیس کے انسداد دہشت گردی محکمے نے زبردست کارکردگی دکھائی جس کو میں سراہتا ہوں۔

وزیراعظم کا کہنا تھا کہ سول ملٹری انٹیلی جنس ایجنسیوں کے بہترین رابطوں کی تعریف بھی کرتا ہوں کیونکہ ان باہمی روابط کے نتیجے میں دہشت گردوں کے عالمی رابطوں کی نشاندہی ہوئی۔

وزیراعظم عمران خان نے یہ بھی کہا کہ پاکستان کے خلاف دہشت گردی بھارتی سرپرستی میں ہوئی ہے، جوہر ٹاؤن دھماکے کی منصوبہ بندی اور فنڈنگ کے تانے بانے بھارت سے ملتے ہیں۔

وزیراعظم عمران خان کا مزید کہنا تھا کہ دنیا بھارت کی مذموم حرکتوں کے خلاف عالمی اداروں کو متحرک کرے اور اس قسم کی کارروائیوں پر کارروائی کرے۔