عمران خان کو الیکشن چوری نہیں کرنے دیں گے، راجہ فاروق حیدر

وریشہ مسعود

19th Jul, 2021. 10:45 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عمران خان کو الیکشن چوری نہیں کرنے دیں گے، راجہ فاروق حیدر

وزیر اعظم آزاد کشمیر راجہ فاروق حیدر خان نے کہا ہے کہ عمران خان کو نہ الیکشن چوری کرنے دیں گے نہ ہی بدمعاشی کرنے دیں گے۔

تفصیلات کے مطابق وزیر اعظم آزاد کشمیر راجہ فاروق حیدر خان نے مظفر آباد میں میڈیا سے گفتگو کرتے ہوئے کہا کہ ریاست کا فیصلہ رائے شماری کے ذریعہ ہوگا تو تسلیم کیا جائے گا۔

وزیر اعظم آزاد کشمیر نے کہا کہ لوگوں کو لڑانے کی کوشش کی گئی، دوران احتجاج انڈے ٹماٹر تو استعمال ہوتے ہیں جواب میں فائرنگ سمجھ سے باہر ہے۔

راجہ فاروق حیدر خان نے یہ بھی کہا کہ آزادکشمیر کو مذاق بنایا ہوا ہے، کیا یہ بنی گالہ ہے جو چاہیں آپ یہاں کریں۔ عمران خان کو نہ الیکشن چوری کرنے دیں گے نہ ہی بدمعاشی کرنے دیں گے۔

وزیر اعظم آزاد کشمیر راجہ فاروق حیدر خان نے مزید کہا کہ علی امین گنڈاپور سے کوئی ذاتی جھگڑا نہیں ہے، اپنا مقدمہ پاکستانی عوام کے سامنے پیش کروں گا،کیا یہ وزیراعظم پاکستان ہیں جوآزاد کشمیر کا آئین پامال کررہے ہیں۔