وزیرِ اعظم عمران خان نے کہا ہے کہ شہریوں کو بین الاقوامی معیار کی سہولیات سے آراستہ رہائش فراہم کریں گے۔

تفصیلات کے مطابق وزیرِ اعظم عمران خان کی زیر صدارت راوی سٹی اور لاہور سینٹرل بزنس ڈسٹرکٹ کا جائزہ اجلاس ہوا جس میں وزیرِ اعظم کو راوی سٹی پر پیش رفت سے تفصیلی طور پر آگاہ کیا گیا جبکہ لاہور سینٹرل بزنس ڈسٹرکٹ پر پیش رفت سے بھی وزیرِ اعظم کو آ گاہ کیا گیا۔

اجلاس میں بریفنگ دیتے ہوئے کہا گیا کہ منصوبے میں ماحولیاتی تحفظ کو خصو صی ترجیح دیتے ہوئے جھوک، رکھ منیر اور رکھ شہید میں جنگلات اگائے جائیں گے۔

بریفنگ دیتے ہوئے کہا گیا کہ تیس ہزار کنال کے رقبے پر محیط اس اربن فاریسٹ سے نہ صرف معدومیت کے خطرے سے دوچار جنگلی حیات کو تحفظ کی فراہمی میں مدد ملے گی

[amazonad category=”Mobile”]

بریفنگ دیتے ہوئے یہ بھی کہا گیا کہ بائیو ڈائیورسٹی کے تھیم پر قائم یہ جنگلات وائلڈ لائف سینکچریز کا کردار ادا کریں گے جبکہ جدید طرز پر یونیورسٹیوں کے کیمپس بنائے جائیں گے

بریفنگ دیتے ہوئے مزید کہا گیا کہ حاصل شدہ آمدن قائم کئے جانے والے جنگلات کی دیکھ بھال میں معاون ثابت ہوگی، جنگلات کیلئے بائیو کاربن انجینئرنگ کی جدید ٹیکنالوجی  کے ذریعے جنگلات کا قیام اور دیکھ بھال کی جائے گی۔

اجلاس کی صدارت کرتے ہوئے وزیرِ اعظم عمران خان نے رواں مون سون کے درختوں کی پرورش کیلئے موزوں ترین وقت میں اس کی تکمیل کو یقینی بنانے کی ہدایت کی۔

عمران خان نے منصوبے سے متعلق تمام قانونی امور کو حل کرکے مقررہ مدت میں تمام اقدامات پر عملدرآمد کو یقینی بنانے کی ہدایات جاری کیں۔

وزیرِ اعظم عمران خان نے کہا کہ راوی سٹی اور سینٹرل بزنس لاہور شہر پر آبادی کے دباؤ کو کم کرکے شہریوں کو بین الاقوامی معیار کی سہولیات سے آراستہ رہائش فراہم کریں گے۔

 اجلاس میں وفاقی وزراء شوکت فیاض ترین، فواد چوہدری، غلام سرور خان ، معاونِ خصوصی ڈاکٹر شہباز گِل، چیئرمین نیا پاکستان ہاؤسنگ اتھاری لیفٹیننٹ جنرل (ر) انور علی حیدر ، صوبائی وزیر برائے ہاؤسنگ پنجاب میاں محمودالرشید، مشیر وزیرِ اعلی پنجاب ڈاکٹر سلمان شاہ، معاونِ خصوصی وزیرِ اعلی پنجاب ڈاکٹر فردوس عاشق اعوان ، سی ای او راوی اربن ڈولپمنٹ اتھارٹی عمران امین اور متعلقہ افسران نے شرکت کیں۔