معروف بھارتی اداکارہ لڑکیوں کو ماڈلنگ کا جھانسا دے کر فحش ویڈیوز بنانے کے الزام میں گرفتار ہو گئی۔

غیر ملکی خبر رساں ادارے کے مطابق بھارتی اداکارہ اور ان کے ساتھی نے ماڈلنگ کا جھانسا دے کر فحش ویڈیوز بنانے  کے لیے مختلف لڑکیوں کو مجبور کیا۔

پولیس کے مطابق متاثرہ لڑکیوں کا کہنا ہے کہ نندیتا دتہ اور مینک گھوش نے او ٹی ٹی پر شہرت کا جھانسا دے کر نیو ٹاؤن ہوٹل میں فحش ویڈیوز بنانے پر مجبور کیا

اس حوالے سے  پولیس نے بھارتی اداکارہ و ماڈل نندیتا دتہ کو لڑکیوں سے فحش ویڈیوز بنوانے کے الزام میں ساتھی سمیت گرفتار کرلیا ہے۔

پولیس نے ریاست بنگال کے مغربی علاقے ڈم ڈم میں ایک گھر پر چھاپہ مار کارروائی کرتے ہوئے اداکارہ و ماڈل نندیتا دتہ اور ساتھی مینک گھوش کو حراست میں لے لیا۔

خیال رہے پولیس نے دو متاثرہ لڑکیوں کی شکایت پر کارروائی کی۔

پولیس کے مطابق نندتیا دتہ اور مینک گھوش ماڈل بننے کی خواہش مند لڑکیوں کو ماڈلنگ اور او ٹی ٹی پلیٹ فارم پر آنے کا جھانسا دے کر ان سے غیر اخلاقی ویڈیوز بنوانے میں ملوث ہیں۔

اس کیس کے حوالے سے بڈھن نگر پولیس کمیشنریٹ کا کہنا ہے کہ نندیتا دتہ اور مینک گھوش کے دیگر ساتھیوں کی گرفتاری کے لیے چھاپے مارے جائیں گے۔

انہوں نے کہا کہ فحش ویڈیوز کی شوٹنگ کے لیے ٹھکانوں کا بھی پتا لگایا جائے گا۔

بڈھن نگر پولیس کمیشنریٹ نے مزید کہا کہ اداکارہ اور ساتھی سے فحش ویڈیوز فروخت کرنے کے حوالے سے بھی تفتیش کی جائے گی۔