پاکستان شوبز انڈسٹری کے مشہور ترین مزح نگار، شاعر ، مصنف، ٹی وی میزبان اور مصور انور مقصود نے جھوٹے اکاؤنٹ سے خبر دار کردیا۔

تفصیلات کے مطابق انور مقصود کا ایک ویڈیو پیغام سوشل میڈیا پر زیرگردش ہے۔

#AnwarMaqsood has no Twitter or FB presence. His name is being misused on SM. Kindly retweet his message: pic.twitter.com/UwQpMJPEkN

— Moneir Aslam (@moneir27) August 13, 2021

ویڈیو پیغام میں انور مقصود اپنا تعارف کرواتے ہوئے کہتے ہیں کہ میرے نام سے کئی لوگ سیاسی رہنماؤں کے بارے میں مختلف ٹوئٹس کر رہے ہیں۔

مزح نگار نے واضح کیا کہ میرے پاس نہ لیپ ٹاپ ہے ، نہ انٹرنیٹ ہے اور نہ ہی کوئی اسمارٹ فون ہے۔

انور مقصود نے اپنے ہاتھ میں پکڑا سادہ فون دکھاتے ہوئے کہا کہ میرے پاس یہ سب سے پرانا ٹیلی فون ہے، جس میں میسج بھی مشکل سے ہوتا ہے کیونکہ مجھے میسج کرنا نہیں آتا۔

پاکستان شوبز انڈسٹری کے مصنف نے کہا کہ میں ان تمام بڑے لوگوں سے معافی چاہتا ہوں جنہیں میری وجہ سے تکلیف ہورہی ہے، میرا کوئی اکاؤنٹ نہیں ہے ۔

انور مقصود نے مزید کہا کہ جو لوگ میرے نام سے منسوب جعلی اکاؤنٹس بنا رہے ہیں ان سے درخواست ہے کہ ایسا نہ کریں۔

انہوں نے کہا کہ میں پچھلے 50 سال سے انڈسٹری میں ہوں، میں نے کبھی کسی کے لیے غلط الفاظ استعمال نہیں کیے۔