دو ہفتوں میں شدید سردی اور گرمی ؛حیرت انگیز موسمی تبدیلی سے شہری حیران

کلثوم ہرا

16th Aug, 2021. 10:28 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

دو ہفتوں میں شدید سردی اور گرمی ؛حیرت انگیز موسمی تبدیلی سے شہری حیران

جاپان دنیا کا ایسا ملک ہے جہاں موسم کی شدت میں بہت تیزی سے اضافہ اور کمی دیکھنے میں آرہی ہے، جاپانی جزیرے ہوکائیدو میں محض دو ہفتوں کے دوران شدید گرمی اور شدید سردی نے شہریوں کو حیرت میں مبتلا کردیا۔

غیر ملکی خبر رساں ادارے کی رپورٹ کے مطابق جاپان میں ایک جزیرہ ایسا بھی ہے جس کے شہری 14 دن دو موسم کا سامنا کرتے ہیں، ہوکائیدو میں 29 جولائی کو موسم گرما میں اتنی شدت آئی کہ درجہ حرارت 31 ڈگری سینٹی گریڈ تک پہنچ گیا۔

ہوکائیدو کا موسم 14 روز کے اندر ایسا تبدیل ہوا کہ درجہ حرارت 2.5 ڈگری سینٹی گریڈ ہوگیا، یہاں تک کہ شہریوں کے منہ سے بھاپ نکلنے لگی۔

اگست کے اوائل میں اولمپک مقابلوں کی انتظامیہ نے مردوں کے میراتھون ایونٹ کو ہوکائیدو کے ایک شہر ساپورو میں اس توقع کے ساتھ منتقل کیا تھا کہ وہاں درجہ حرارت بہتر ہوگا مگر اگست کے آغاز پر وہ 33 ڈگری سینٹی گریڈ تک پہنچ گیا۔

میڈیا رپورٹس میں کہا گیا کہ دارالحکومت ٹوکیو میں بھی درجہ حرارت 40 ڈگری سینٹی گریڈ تک پہنچ گیا تھا، جس کے باعث حاضرین اور کھلاڑیوں میں ہیٹ اسٹروک کا خدشہ پیدا ہوگیا تھا۔