وزیراعظم عمران خان کی زیر صدارت وفاقی کابینہ کا اجلاس آج ہوگا۔

تفصیلات کے مطابق کابینہ اجلاس میں ملکی ،سیاسی اور  معاشی صورتحال پر غور ہوگا اور افغانستان کی صورتحال پربھی مشاورت ہوگی۔

اسکے علاوہ آج کے اجلاس میں  کورونا وائرس کی صورتحال پربھی  بات ہوگی اور  سی پیک کے حوالے سے قائم کمیٹی کے فیصلوں کی توثیق کی جائے گی۔

ذرائع کا کہنا ہے کہ آج کے اجلاس میں اسلام آباد کے سیکٹر ای 11 کے مسائل کے حل  پر تبادلہ خٰیال کیا جائے گا اور این آئی آر سی کے چار ممبران کے تقرری کی منظوری دی جائے گی۔

واضح رہے کہ 20 ریگولیٹریز اتھارٹیز کے چیئرمین اور ممبران کو ملنے والے مراعات کی تفصیلات بھی آج کے اجلاس میں پیش کی جائینگی۔