حال ہی میں سادگی سے رشتۂ ازدواج میں منسلک ہونے والے پاکستان ڈرامہ انڈسٹری کے ابھرتے ہوئے اداکار عنایت خان نے یہ انکشاف کیا ہے کہ اُن کی اہلیہ اپنی مرضی سے پردہ کرتی ہیں۔

اداکار نے اپنے آفیشل انسٹاگرام اکاؤنٹ پر اہلیہ کے ہمراہ خوبصورت تصویر شیئر کی جس میں اُن کی اہلیہ  نے نقاب کیا ہوا ہے۔

 

Advertisement

Advertisement

View this post on Instagram

Advertisement

Advertisement

Advertisement

Advertisement

 

A post shared by Inayat Khan (@inayatkhanofficial)

Advertisement

عنایت خان نے اپنی پوسٹ کے کیپشن میں لکھا کہ میری اہلیہ نقاب پہننا پسند کرتی ہیں اور یہ اُن کا اپنا ذاتی فیصلہ ہے۔

اُنہوں نے لکھا کہ میرا بنیادی مقصد صرف ان لوگوں کو پیغام دینا تھا جو جہیز لینے پر یقین رکھتے ہیں اور شادی پر پیسے ضائع کرتے ہیں مجھے یقین ہے کہ اگر اللّہ نے مجھے زندگی دی ہے تو اس کا صحیح استعمال کروں اور لوگوں کو حقیقی پیغام دوں۔

اداکار نے لکھا کہ میں صرف کہنے پر نہیں بلکہ کرنے پر یقین رکھتا ہوں، زندگی ایک ہے اور مرضی آپ کی ہے۔

عنایت خان  نے سوشل میڈیا صارفین کی غلط فہمی دور کرتے ہوئے لکھا کہ میں نے شہرت حاصل کرنے کی خاطر تصویر پوسٹ نہیں کی اگر مجھے شہرت حاصل کرنا ہوتی تو میں بہت سے انٹرویوز سے منع نہیں کرتا۔

انہوں نے مزید لکھا کہ میں ایک سادہ انسان ہوں اور میں سادہ زندگی گزارنا پسند کرتا ہوں، اللّہ تعالیٰ آپ سب کو خوش رکھے۔

واضح رہے کہ عنایت خان نے ریشم گلی کی حُسنہ، عشق ذات، دل لگی و دیگر ڈراموں میں اپنی اداکاری کے جوہر دکھائے ہیں۔