افغانستان میں طالبان کے قبضے کے بعد افغان کرنسی کی قدر گرگئی۔

تفصیلات کے مطا بق افغانستان میں طالبان کے قبضے کے بعد افغان کرنسی کی قدر گرگئی، طالبان سے قبل ایک افغان کرنسی کی قدر 2 روپے 40 پیسے کی تھی، جو اب ڈیڑھ روپے ہوگئی ہے۔

ایکسچینج کمپنیز میں افغان کرنسی کا لین دین معطل ہوگیا ہے، جب تک  افغانستان میں کوئی حکومت نہیں آتی اس وقت افغان کرنسی کی خریدوفروخت میں کوئی دلچسپی نہیں

 ایکسچینج کمپنیز ایسوسی ایشن آف پاکستان کے جنرل سیکریٹری ظفر پراچہ

افغانستان میں مکمل طور پر بحالی حکومت کے بعد کرنسی میں لین لین ممکن ہے ، اس وقت ایکسچینج کمپنیز میں افغان کرنسی قیمت 1 روپے 40 پیسے اور فروخت 1 روپے 80 پیسے ہے۔

دوسری جانب پشاور میں صدر کرنسی ایکسچینج حاجی گلاب کا  اپنے بیان میں کہنا ہے کہ زیادہ تر لوگ افغان کرنسی نہیں خرید رہے۔

صدر کرنسی ایکسچینج حاجی گلاب کا مزید کہنا تھا  کہ جو کرنسی لے رہا ہے وہ من مانے داموں خرید و فروخت کررہا ہے، حالات ایسے رہے تو افغانی کرنسی مزید گرے گی۔