ایئربلو کی ایئرلائن لاہور سے کراچی کی پرواز کئی گھنٹے سے تاخیر کا شکار ہے۔

تفصیلات کے مطابق پی اے 504 شیڈول ایئربلو کی پرواز لاہور سے کراچی کے لیے شام 6 بجے تاخیر کا شکار ہوئی۔

ذرائع کا کہنا ہے کہ پرواز کے جہاز ایربس 320 میں اچانک ٹیکنیکی خرابی پیدا ہوگئی، جہاز میں 150 سے زائد مسافر سوار تھے۔

ذرائع کے مطابق ایئربلو کی پرواز پی اے 405 کا جہاز جیسے ہی کراچی کے لیے اڑان بھرنے رن وے پہنچا جہاز میں ٹیکنیکی خرابی پیدا ہوگئی، ایئربلو ایئرلائن کا کپتان جہاز کو ٹیک آف پوائنٹ سے واپس پارکنگ پوائنٹ لے آیا، مسافروں کو واپس لاہور ایئرپورٹ کے لائونج میں بھیج دیا گیا، مسافر پریشان کا شکار ہیں۔

ذرائع کا کہنا ہے کہ پرواز میں پی ٹی آئی کے رکن اسمبلی راجہ اظہر، ایم کیو ایم رکن اسمبلی بھی موجود تھے، راجہ اظہر نے کہا کہ انتظامیہ نے رکن اسمبلیز سے بدتمیزی کی ہے، ائیر بلو انتظامیہ نے محسور کرکے رکھا ہوا ہے، فلائٹ کب روانہ ہوگی، مسافروں کو بتایا نہیں گیا۔

ذرائع کے مطابق پرواز میں پیپلز پارٹی، پی ٹی آئی، جی ڈی اے اور ایم کیو ایم کے 20 سے زائد ایم پی اے سوار تھے، تمام ایم پی ایز دیگر مسافروں سمیت لاہور ایئرپورٹ پر پریشانی ہیں۔