راولپنڈی میں سٹی پولیس آفیسر احسن یونس نے چیمبر آف کامرس میں پولیس خدمت مرکز کا افتتاح کردیا ہے۔
تفصیلات کے مطابق افتتاحی تقریب میں ایس ایس پی آپر یشنز ، سی ٹی او رائے مظہر اقبال، صدر چیمبر ناصر مرزا، گروپ لیڈر سہیل الطاف سمیت دیگر عہدیداران نے شرکت کی۔
افتتاحی تقریب میں سی پی او احسن یونس نے کہا کہ خدمت مرکز کے قیام کا مقصد بزنس کمیونٹی کو زیادہ سے زیادہ سہولیات فراہم کرنا ہے، خدمت مرکز میں لرنر ٹریفک لائسنس، کریکٹر سرٹیفکیٹ، ملازمین کی رجسٹریشن، تصدیق سمیت کئی دوسری سہولیات میسر ہوں گی۔
صدر چیمبر ناصر مرزا کا کہنا تھا کہ پولیس خدمت مرکز کے قیام پر ہم حکومت پنجاب اور خاص طور پر سی پی او راولپنڈی احسن یونس کے شکر گزار ہیں۔
گروپ لیڈر سہیل الطاف نے کہا کہ مختلف سروسز کے لیے اب تاجر کو مختلف محکموں میں جانا نہیں پڑے گا، خدمت مرکز کے قیام سے تاجر برادری کو سہولیات اور سرمایہ کاروں کو مثبت پیغام دیا جائے گا، جدید خدمت مرکز سے شفافیت کو فروغ ملے گا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
