وفاقی وزیر ریلوے اعظم سواتی نے کہا ہے کہ الیکشن کمیشن اپوزیشن کی زبان بول رہا ہے۔

تفصیلات کے مطابق وفاقی وزیر ریلوے اعظم سواتی نے پریس کانفرنس کرتے ہوئے کہا ہے کہ کس کےاشارےپرعظیم ادارےکوتباہ کرنےپرتلےہوئےہیں؟

انہوں نے کہا کہ چیف الیکشن کمشنراس لیےبنایاتھاکہ ای وی ایم پر جائیں گے ، الیکشن کمشنرکی تقرری کارازکبھی سامنےنہیں لاؤں گا ، الیکشن کمیشن کاپاس نہ ہوتاتوکبھی آپکاتقررنہ کرتے ، پتا تھاآپ بڑےمیاں کےہاتھ کی گھڑی،چھوٹےمیاں کی چھڑی ہیں۔

وفاقی وزیر ریلوے اعظم سواتی نے کہا ہے کہ بہت سے راز پردے میں ہیں، میں نے حلف لیا ہوا ہے ، میں یہ راز کبھی سامنے نہیں لاؤں گا ، چیف الیکشن کمشنر کی تقرری کس طرح ہوئی مجھے پتا ہے ، مریم صفدر نے کتنی باتیں کیں؟ آپ نے کتنے نوٹس دیے؟

اعظم سواتی نے کہا کہ آج الیکشن کمیشن حکام مجھے نوٹس دے رہے ہیں ، الیکشن کمیشن کوآزادادارہ بنائیں گے ، الیکشن کمیشن نےمریم نواز،فضل الرحمان کوکتنےنوٹسزبھیجے؟

انہوں نے کہا کہ اپوزیشن لیڈر پر منی لانڈرنگ کے متعدد مقدمے چل رہے ہیں ، چیف الیکشن کمشنرکی تقرری میں بہت سی باتیں صیغہ رازمیں ہیں ، گورنر سندھ عمران اسماعیل نےکہاتھاکہ روک سکتےہوتوروک لو۔

وفاقی وزیر ریلوے اعظم سواتی نے کہا کہ بیرون ملک پاکستانیوں کےووٹ کےحق کیلئےکسی قربانی سےدریغ نہیں کرینگے ، اوورسیزپاکستانیوں کوووٹ کاحق دلائیں گے۔

اس سے قبل وفاقی وزیر ریلوے اعظم سواتی نے سینیٹ کی پارلیمانی امور کمیٹی کے اجلاس میں بریفنگ دیتے ہوئے کہا تھا کہ الیکشن کمیشن حکومت کا مذاق اڑا رہی ہے، اپوزیشن جب نیب پر تنقید کرتی ہے تب اداروں کی بے توقیری نہیں ہوتی؟

وفاقی وزیر ریلوے کا کہناتھا کہ الیکشن کمیشن نے پیسے پکڑ کر الیکشنز کا بیڑہ غرق کیا ہے، ایسے اداروں کو آگ لگا دیں، رولز کی کوئی خلاف ورزی نہیں ہوئی، یہ معاملہ ختم ہوجانا چاہیے، حکومت نے ثمینہ ممتاز کو آج کیلئے کمیٹی میں نہ شرکت کرنے کی ہدایت کی تھی۔

اعظم سواتی نے کہا تھا کہ ہم سینیٹ کا وقار مجروح نہیں کرنا چاہتے، آئین سے الیکشن کمیشن کو نکال دینا چاہیے، آئینی ترمیم کر کے عام انتخابات کروانے کا اختیار حکومت وقت کو دینا چاہیے۔

وفاقی وزیر ریلوے اعظم سواتی نے مزید کہا تھا کہ الیکشن کمیشن ماضی کے انتخابات میں دھاندلی کرواتا رہا ہے، ہم ایک ایک اعتراض کا جواب دیں گے پھر کسی اور بل پر بات ہوگی۔