وزیر خزانہ شوکت ترین کی زیر صدارت اقتصادی رابطہ کمیٹی (ای سی سی) کا اجلاس کل ہو گا۔
تفصیلات کے مطابق اقتصادی رابطہ کمیٹی کے اجلاس میں 8 نکاتی ایجنڈے زیر غور آئیں گے اور کامیاب پاکستان پروگرام کی منظوری بھی دی جائے گی۔
ذرائع کے مطابق کامیاب پاکستان پروگرام رواں ماہ کے آخر تک شروع کر دیا جائے گا، آئی ایم ایف نے کامیاب پاکستان پروگرام کیلئے رضامندی ظاہر کر دی ہے۔
اس کے علاوہ پاکستان اسٹیل ملز ملازمین کیلئے تنخواہوں کی ادائیگی کی اجازت دی جائے گی، پاکستان اسٹیل ملز ملازمین کو تنخواہیں 2021 تا 2022 کیلئے ادا کی جائیں گی۔
خیال رہے کہ اجلاس میں وزارت دفاع کی سمری پر افواج پاکستان کیلئے فنڈز کی منظوری دی جائے گی۔
واضح رہے کہ اجلاس میں وزارت داخلہ کی سمری پر فرنٹیئر کانسٹیبلری سینٹر کے قیام کیلئے فنڈز کی منظوری کا امکان ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News