سابق وزیر داخلہ رحمان ملک نے کہا ہے کہ پولیس کے نظام مواصلات کو فوری طور پر جدید کیا جائے۔

تفصیلات کے مطابق سابق وزیر داخلہ رحمان ملک نے کہا ہے کہ نیوزی لینڈ ٹیم کے دورہ پاکستان کی منسوخی کا ملبہ دوسروں پر نہ ڈالا جائے ، احسان اللہ احسان کے کئی پاکستان مخالف آقا ہیں جنکے لیے وہ ترکی میں بیٹھ کر کام کر رہا ہے۔

سابق وزیر داخلہ رحمان ملک نے کہا ہے کہ وزیراعظم عمران خان تحقیقاتی کمیشن تشکیل دیں کہ ذمہ داران کا تعین ہو سکے۔

اس سے قبل وزیر داخلہ رحمان ملک نے کہا تھا کہ پاکستان کا کیس و مسئلہ کشمیر ہر فورم پر اجاگر کروں گا، ایف اے ٹی ایف کا ڈرامہ اب بند ہونا چاہیے جس کے پیچھے بھارت کا ہاتھ ہے، بھارتی چینلز کو انٹرویوز میں وزیراعظم مودی سے مقبوضہ کشمیر سے کرفیو ہٹانے کا مطالبہ کیا تھا۔

انہوں نے کہا تھا کہ مودی کو پیغام دیا کہ مقبوضہ کشمیر میں مظالم بند کرے اور انٹرنیٹ سروسز بحال کرے، وزیراعظم مودی جلد اپنی افواج کو مقبوضہ کشمیر سے نکالنے پر مجبور ہو جائیں گے۔

رحمان ملک نے کہا تھا کہ بیس سال کے بعد افغانستان سے امریکی افواج کی انخلاء مودی کے لئے ایک سبق ہے، وہ دن دور نہیں جب امریکہ کی طرح بھارت کو بھی اپنی افواج کشمیر سے نکالنی پڑے گی۔

سابق وزیر داخلہ سینیٹر رحمان ملک نے مزید کہا تھا کہ مودی سرکار دیکھنے میں جوگی سرکار بنتی جا رہی ہے، خطے میں بدامنی کے لئے مودی ہندو طالبان آر ایس ایس کی تعداد آئے روز بڑھا رہی ہے۔