وزیراعظم کی زیرِ صدارت وفاقی کابینہ کا اجلاس کل ہوگا

تنزیلہ قریشی

28th Sep, 2021. 12:15 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیراعظم کی زیرِ صدارت وفاقی کابینہ کا اجلاس کل ہوگا

وزیراعظم عمران خان کی زیر صدارت وفاقی کابینہ کا اجلاس کل ہوگا۔

تفصیلات کے مطابق اجلاس میں ملکی سیاسی اور معاشی صورتحال کا جائزہ لیا جائے گا، وفاقی کابینہ 15 نکاتی ایجنڈے پر غور کرے گی، کابینہ کو ایوی ایشن ڈویزن کی جانب سے سروسز انٹرنیشنل ہوٹل کی کلیئرنس سے متعلق بریفنگ دی جائے گی، ایوی ایشن پالیسی، عملدرآمد پر پیش رفت پر بھی بریفنگ ایجنڈے میں شامل ہے۔

کاروبار اور انسانی حقوق کے حوالے سے نیشنل ایکشن پلان کی منظوری دی جائے گی، وزارت داخلہ کی جانب سے ویزہ پراسس بارے بریفنگ دی جائے گی، کے پی ٹی بورڈ سے محمود مولوی کے استعفی اور سعود عظیم کی تعیناتی کی منظوری دی جائے گی، پاکستان نرسنگ کونسل کے معاملے بارے آرڈیننس کے اجرا کی منظوری دی جائے گی۔

انڈونیشیا میں کرونا وبا سے نمٹںے کے لیے طبی عملہ بھیجنے کی منظوری ایجنڈے میں شامل ہے، رویتِ ہلال سے متعلق قانون سازی کی منظوری دی جائے گی، کابینہ ای سی سی اور ادارہ جاتی ریفارمز کمیٹی کے فیصلوں کی توثیق کرے گی، کابینہ کمیٹی برائے توانائی اور کمیٹی برائے قانون سازی کے فیصلوں کی توثیق بھی ایجنڈے میں شامل ہیں۔