یمن میں خوف کی علامت سمجھی جانے والی غار کی حقیقت سامنے آگئی، یہ وہ غار ہے جس میں داخل ہونے کی آج تک کسی نے جرات نہیں کی۔

سوشل میڈیا رپورٹس کے مطابق مہرہ گورنری میں واقع اس غار کو کنواں بھی کہتے ہیں جو پراسرار ناموں سے مشہور بھی ہے۔ کسی کی نظر میں یہ جہنم کی غار تو کوئی اسے جنات کا کنواں قرار دیتا ہے۔

صرف یہی نہیں بلکہ کئی افراد کو اسے موت کی غار بھی کہتے ہوئے سنا گیا ہے۔

غاروں کی دریافت کے لیے کام کرنے والی عمانی ماہرین کی ٹیم نے اس غار کی حقیقت کا راز کھولنے کی کوشش کی، بالاآخر پتا چلا کہ اس کنویں میں کسی جنات کا بسیرا نہیں ہاں البتہ یہاں متعدد جانوروں کے ڈیرے موجود ہیں۔ غار میں مینڈک، سانپ اور کئی حشرات الارض کا مسکن دیکھا گیا۔

Advertisement

الفريق بالتعاون مع هيئة المساحة الجيولوجية والثروات المعدنية ومركز اللغة المهرية للدراسات والبحوث يوثق خسفيت فوجيت (أو ما عُرف أحيانا ببئر برهوت)، خلال زيارة قام بها لمحافظة المهرة بالجمهورية اليمنية، ضمن عمله لدراسة الكهوف. pic.twitter.com/094GSKaTEQ

— الفريق العماني لاستكشاف الكهوف (@OCET_Oman) September 16, 2021

خدا کی ان مخلوقات نے اس غار کو اپنا گھر بنا رکھا ہے جبکہ ماہرین نے کنویں سے متعلق تمام من گھڑت باتیں مسترد کردیں جو جنات، بھوت یا موت سے متعلق تھیں۔

الفريق العماني لاستكشاف الكهوف يفك طلاسم بئر برهوت (خسفيت فوجيت )بمحافظة المهرة اليمانية تقرير مفصل عنها قريبًا ان شاء الله @GsoOman @MohDtheGeologis @nabil4800 @salimalsuqri pic.twitter.com/aCoyzrJF71

Advertisement

— الفريق العماني لاستكشاف الكهوف (@OCET_Oman) September 15, 2021

عمانی ماہرین کی ٹیم اس گہرے کنوئیں کے اندر اتری تو اسے پتا چلا کہ کنویں کا پانی اس کے اطراف سے چھوٹی چھوٹی خوبصورت آبشاروں کی شکل میں پھوٹ کر بہہ رہا ہے، اس غار کے ارضیاتی اور ماحولیاتی پہلوؤں کا بھی جائزہ لیا گیا، سطح زمین پر اس غار کا دھانہ 30 میٹر دائرے کی شکل میں ہے۔