مسلم لیگ ن پنجاب کے صدر رانا ثناءاللہ خان نے کہا ہے کہ آرمی چیف کی مدت ملازمت میں توسیع کافیصلہ درست تھا۔

تفصیلات کے مطابق مسلم لیگ ن پنجاب کے صدر رانا ثناءاللہ خان نے میڈیا سے گفتگو کرتے ہوئے کہا ہے کہ ساہیوال ڈویژن کو تنظیمی طورپر منظم و متحرک کریں گے۔

انہوں نے کہا کہ فرانزک آڈٹ کے بغیر سوشل میڈیا پر ویڈیو غلط رجحان ہے ، ایسے حالات آ سکتے ہیں کہ ہر کسی کی فیک یا درست ویڈیو جاری ہو ، محمد زبیر کی ویڈیو سے سمجھ نہیں آ رہی کیا مقصد حاصل کرنا چاہتے ہیں ، جج ارشد ملک کی ویڈیو ملین ڈالرز کی ویڈیو تھی جس نے تاریخ بدل دی ،  جج ارشد ملک اپنی زندگی میں بھی غلطی پر نادم رہے۔

مسلم لیگ ن پنجاب کے صدر رانا ثناءاللہ خان نے کہا ہے کہ بلین ڈالرز کی ویڈیو تھی جس سے چیئرمین نیب کو قابو کیا ، جس سے اپوزیشن کو دبایا گیا ، محمد زبیر کی ویڈیو پر بہت محنت کا کام ہے ، کب سے پیچھے لگے ہوئے تھے ، اس وقت پتہ چلے گا کہ کس نے یہ ریلیز کروائی ، چیئرمین نیب اور ارشد ملک کی ویڈیو کی وجوہات تھیں۔

رانا ثناءاللہ خان نے کہا ہے کہ پتہ نہیں زبیر صاحب سے کیا منوانا چاہتے ہیں ، سیاست سے آگے چیز چلی جائے گی غیر اخلاقی عمل کو سپورٹ نہیں کرتے ، جنہوں نے دھڑوں کی بات کی ان سے پوچھا جائے ، مجھے یہ معلوم ہے کہ جماعت کا لیڈر نواز شریف ہے ، لیڈر شپ اتنی مضبوط ہے ، اس پر کسی کو اختلاف نہیں ہے ، بیانیہ مختلف ہوسکتاہے کسی کی بات میں چناؤ مختلف ہوسکتاہے۔

مسلم لیگ ن پنجاب کے صدر رانا ثناءاللہ خان نے کہا کہ نوازشریف کی ووٹ کو عزت تیس سال سے پالیسی ہے ، جب تک محمد زبیر کی ویڈیو فرانزک ہو یا سچ ثابت نہ ہو جائے تب تک ذاتی ویڈیو ہوگی ، جب پارٹی نے آرمی چیف کی مدت ملازمت میں توسیع کا فیصلہ کر لیا تو وہ فیصلہ درست فیصلہ تھا۔