ریاست کو شہریوں کے بنیادی حقوق دینے ہوں گے، سردار حسین بابک

تنزیلہ قریشی

23rd Sep, 2021. 08:03 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

ریاست کو شہریوں کے بنیادی حقوق دینے ہوں گے، سردار حسین بابک
مشرف علی زیدی عالمی میڈیا کےلئے ترجمان وزیراعظم مقرر، عطا اللہ تارڑ کی تصدیق ، نو ٹیفکیشن جاری
پنجاب اسمبلی کا 34 واں اجلاس کل شروع ہوگا، اہم بلز اور حکومتی امور پر بحث متوقع
ریڈ لائن منصوبہ عوام کیلیے وبال جان، پیپلزپارٹی نے کراچی کو تجربہ گاہ بنا دیا، حافظ نعیم الرحمان

Now Reading:

ریاست کو شہریوں کے بنیادی حقوق دینے ہوں گے، سردار حسین بابک

اے این پی پارلیمانی لیڈر سردار حسین بابک نے کہا ہے کہ ریاست کو شہریوں کے بنیادی حقوق دینے ہوں گے۔

تفصیلات کے مطابق اے این پی پارلیمانی لیڈر سردار حسین بابک نے اپنے ایک بیان میں کہا کہ پاک افغان راستے کھل جائیں تو آدھی دنیا کی تجارت تک رسائی حاصل ہو سکتی ہے، خام پیداوار یہاں پر ضائع ہو رہی ہے، افرادی قوت مایوسی کا شکار ہو رہی ہے۔

سردار حسین بابک کا کہنا تھا کہ ہم 6 ہزار میگا واٹ بجلی پیدا کر رہے ہیں جبکہ صوبے کی ضرورت 2300 میگا واٹ ہے۔

انہوں نے کہا کہ نیشنل گرڈ سے صوبے کو دی جانی والی ٹرانسمیشن لائن بوسیدہ ہونے کے باعث نقصان کا سبب رہی ہے، ریاست کو شہریوں کے بنیادی حقوق دینے ہوں گے۔

سردار حسین بابک کا کہنا تھا کہ طورخم کا راستہ اگر پورا سال کھلا رہے تو پشاور تجارت کی عالمی منڈی بن سکتا ہے، بے نظیر انکم سپورٹ عوام کو خیرات دینے کے مترادف ہے ہمیں کاروبار کی جانب جانا ہوگا۔

اے این پی پارلیمانی لیڈر سردار حسین بابک نے مزید کہا کہ صوبے کو اٹھانے میں کوئی سیاست نہیں ہوگی ہم حکومت کے ساتھ ہیں۔