آج سے شہر قائد میں بارشوں کا امکان  ہے۔

محکمہ موسمیات کے مطابق دوپہرمیں شہر میں گرج چمک کے ساتھ بارش ہوسکتی ہے ،بارش سے قبل گرد آلود ہوائیں بھی چلنے کا امکان ہے۔

آج سے شہرقائد میں گرج چمک کے ساتھ شروع ہونے والا بارشوں کا یہ سلسلہ 2 اکتوبر تک جاری رہے گا۔

محکمہ موسمیات کے مطابق بارش سے قبل شہر شدید گرمی کی لپیٹ میں رہے گا ،آج کم سے کم درجہ حرارت 27 ڈگری سینٹی گریڈ ریکارڈ کیا گیا جبکہ آج زیادہ سے زیادہ درجہ حرارت 36 ڈگری سینٹی گریڈ ریکارڈ ہونے کا امکان ہے۔

اس کے ساتھ ساتھ ہوا میں نمی کا تناسب 70 فیصد ہے ،شہر میں 10 کلو میٹر فی گھنٹہ کی رفتار سے شمال مغربی ہوا چل رہی ہے۔

کراچی میں کہاں کتنی بارش ہوئی؟ اعداد وشمار جاری

محکمہ موسمیات نے شہرقائد میں گزشتہ روز ہونے والی بارش کے اعداد وشمار جاری کردئیے ہیں۔

محکمہ موسمیات کے مطابق کراچی میں جناح ٹرمینل پر اعشاریہ 8 ملی میٹر بارش ریکارڈ ریکارڈ کی گئی جبکہ ڈیفنس فیز 2 میں دو اعشاریہ 8 ملی میٹر بارش ہوئی۔

کرچی کے علاقے قائد آباد میں 6، کیماڑی میں 1.5، یونیورسٹی روڈ پر اعشاریہ 2 ملی میٹر بارش ریکارڈ کی گئی۔

سمندری طوفان گلاب

محکمہ موسمیات نے خلیجِ بنگال میں بننے والے ٹراپیکل سائیکلون کا الرٹ جاری کرتے ہوئے کہا ہے کہ پاکستان کے کسی ساحلی علاقے کو اس طوفان سے خطرہ نہیں تاہم بھارتی ماہر موسمیات نے کہا ہے کہ طوفان گلاب سے کراچی میں بارشیں ہوسکتی ہے۔

طوفان کا نام گلاب کس نے تجویز کیا؟

ماہر موسمیات کا کہنا ہے کہ خیلج بنگال میں موجود ہوا کا کم دباؤ شدت اختیار کرکے سمندری طوفان میں تبدیل ہو گیا ہے، اس سمندری طوفان کا نام گلاب پاکستان کا تجویز کردہ ہے۔

سال 2018 کے بعد رواں ماہ ستمبر میں یہ پہلا سمندری طوفان ہے جسے پاکستان کی جانب سے نام دیا گیا ہے۔

بھارتی محکمہ موسمیات کے سائیکلون ڈیٹا سے ظاہر ہوتا ہے کہ ستمبر کے مہینے میں صرف 14 سائیکلون بنے ہیں جن میں سے 2011 اور 2021 کے دوران (گلاب سمیت) صرف تین سمندری طوفان گزرے ہیں۔

اس دوران ایک سمندری طوفان 2018 جبکہ ایک 2011 میں آیا تھا۔