صدر تحریک انصاف و سینئر وزیر آزاد کشمیر سردار تنویر الیاس نے کہا ہے کہ عمران خان آزاد کشمیر میں احتساب اور عام آدمی کو ریلیف دینے کیلئے پرعزم ہیں۔

تفصیلات کے مطابق صدر تحریک انصاف و سینئر وزیر آزاد کشمیر سردار تنویر الیاس نے  پارٹی عہدیداروں اور کارکنان سے خطاب کرتے ہوئے کہا کہ پارٹی صدر نامزدگی پر عمران خان ، سیف اللہ نیازی اور علی امین گنڈا پور کا شکر گزار ہوں۔

صدر تحریک انصاف آزادکشمیر نے کہا کہ تحریک انصاف نے پاکستان اور آزاد کشمیر میں اسٹیٹس کو توڑا ہے، اس سے قبل پاکستان اور آزاد کشمیر میں پیپلز پارٹی اور ن لیگ کی باریاں لگی ہوئی تھیں ۔

 سردار تنویر الیاس کا کہنا تھا کہ پیپلزپارٹی اور ن لیگ دوسروں کو الزام دیتی ہیں لیکن اپنے گریبان میں نہیں جھانکتیں، پیپلز پارٹی ن لیگ کے قائدین کو اقتدار دے دیں تو انہیں کوئی بیماری نہیں ہے۔

سینئر وزیر آزاد کشمیر کا یہ بھی کہنا تھا کہ عمران خان آزاد کشمیر میں احتساب اور عام آدمی کو ریلیف دینے کیلئے پرعزم ہیں، آزاد کشمیر کی حکومت عوام کی توقعات پر پورا اترے گی۔

صدر تحریک انصاف و سینئر وزیر آزاد کشمیر سردار تنویر الیاس کا مزید کہنا تھا کہ آزاد کشمیر میں تعمیر و ترقی کا نیا باب شروع ہوگا عمران خان نے آزاد کشمیر کیلئے500 ارب کا پیکج دیا، اس پیکج کو ڈبل کرکے 1 ہزار ارب تک لے جائیں۔

واضح رہے اس سے قبل سینئروزیرحکومت و صدر پاکستان تحریک انصاف آزاد کشمیر سردار تنویر الیاس خان کا پارٹی کارکنوں سے گفتگو کرتے ہوئے کہنا تھا کہ عمران خان کا شکرگزار ہوں کہ انہوں نے پی ٹی آئی آزاد کشمیر کی صدارت کیلئےمجھےموزوں سمجھا ہے۔

سردار تنویر الیاس خان کا کہنا تھا کہ عمران خان کا شکرگزار ہوں کہ انہوں نے پی ٹی آئی آزاد کشمیر کی صدارت کیلئےمجھےموزوں سمجھا ہے۔

سردار تنویرالیاس خان کا مزید کہنا تھا کہ قیادت کے اعتماد پر پورا اترکرآزاد کشمیر میں پارٹی کو نا قابل شکست قوت بنائیں گے۔