وفاقی وزیر برائے منصوبہ بندی اسدعمر نے کہا ہے کہ وزیراعظم ایک صوبےمیں نہیں بلکہ ملک بھرمیں یکساں ترقی کےخواہاں ہیں۔

تفصیلات کے مطابق وفاقی وزیر برائے منصوبہ بندی اسدعمر نے کراچی سرکلرریلوے منصوبے کی افتتاحی تقریب سے خطاب کرتے ہوئے کہا ہے کہ کےسی آرمیں غیرملکی سرمایہ کاربھی دلچسپی لےرہےہیں۔

انہوں نے کہا کہ کےفورمنصوبہ ایک دہائی سےتعطل کاشکارتھا ، کے فور منصوبہ14 اگست 2023 تک مکمل کرلیا جائے گا ، کراچی کی ترقی کیلئے5بڑےمنصوبوں پرپیشرفت ہورہی ہے ، اختلافات کےباوجودکراچی کی ترقی کیلئےوفاق اورسندھ نےملکرفیصلےکیے۔

اسدعمر نے کہا ہے کہ دہائیوں سےالتواءمنصوبےحقیقت بنتےنظرآرہےہیں ، کراچی میں بارش کےدوران کئی علاقےڈوب جاتےہیں ، 3بڑےنالوں سے11لاکھ ٹن کچرانکالاگیا ، کراچی میں 54کلومیٹرسڑکیں تعمیرکررہےہیں۔

وفاقی وزیر برائے منصوبہ بندی اسدعمر نے کہا کہ وزیراعظم نومبرمیں گرین لائن پروجیکٹ کابھی افتتاح کرینگے ، وزیراعظم نےکراچی ٹرانسفارمیشن پلان کی منظوری 2020میں دی۔

دوسری جانب وفاقی وزیر ریلوے اعظم سواتی نے کراچی سرکلرریلوے منصوبے کی افتتاحی تقریب سے خطاب کرتے ہوئے کہا ہے کہ 1996 سے قبل پاکستان ریلوےایران اورترکی سےبہترتھی۔

انہوں نے کہا کہ ریلوےکومنافع بخش ادارہ بناکردکھاؤں گا ، سیاسی اورمعاشی لحاظ سےکراچی کونظراندازنہیں کیاجاسکتا ، بدقسمتی سےکراچی ترقی کرنے کے بجائے کچراکنڈی بن گیا ، کےسی آرسےکراچی والوں کی سفری دشواریاں کم ہوجائیں گی۔

وفاقی وزیر ریلوے اعظم سواتی نے کہا ہے کہ کےسی آر وفاق کی جانب سےتحفہ ہے ، کراچی کوٹرانسپورٹ دینےکااعزاز عمران خان نےحاصل کیا ، کےسی آرکاجدیدمنصوبہ پاکستان میں تاریخ رقم کرےگا۔