وزیراعلیٰ بلوچستان جام کمال کے خلاف عدم اعتماد کا معاملے میں حکومت کی ناراض اراکین اسد بلوچ کی رہائش گاہ پر اہم بیٹھک ہوئی ہے۔

تفصیلات کے مطابق اسپیکر عبد القدوس بزنجو کی صدارت میں ہونے والی بیٹھک میں 13 حکومتی ممبران صوبائی اسمبلی نے شرکت کی، بیٹھک میں 12 بلوچستان عوامی پارٹی اور پی ٹی آئی کے رکن صوبائی اسمبلی نصیب اللہ مری بھی شریک ہوئے۔

ذرائع کے مطابق بیٹھک میں چیئرمین سینٹ صادق سنجرانی سے ہونے والی ملاقاتوں سے متعلق عبد القدوس بزنجو نے ممبران کو آگاہ کیا، عبدالقدوس بزنجو نے ممبران کو بریفنگ دی کہ بلوچی روایات کے مطابق زبان دی ہے اب جام کمال کے ساتھ نہیں چل سکتے۔

ذرائع کا کہنا ہے کہ عبد القدوس بزنجو نے ناراض ممبران سے گفتگو کرتے ہوئے کہا کہ ہمارے خلاف اب جام کمال کچھ بھی کرلے ہم ان کا ساتھ نہیں دیں گے، ہمیں جام کمال کے علاوہ کوئی بھی قبول ہے۔

واضح رہے کہ اپوزیشن جماعتوں کی جانب سے وزیر اعلیٰ بلوچستان جام کمال کے خلاف تحریک عدم اعتماد لانے کے لئے چیئرمین سینٹ اہم دورے پر کوئٹہ گئے تھے۔

چیئرمین سینٹ کے ہمراہ سیینٹر نصب اللہ بازائی، سینیٹر منظور کاکڑ، سینیٹر سرفراز بگئی، سینیٹر احمد خان، عبدالقادر، ممبر قومی اسمبلی خالد مگسی، رکن قومی اسمبلی سردار ترین بھی موجود تھے۔

چیئرمین سینٹ صادق سنجرانی اہم دورے کے دوران تحریک عدم اعتماد پر وزیراعلیٰ بلوچستان جام کمال اور پارٹی رہنماؤں کے ساتھ مشاورت کی تھی۔

چیئرمین سینٹ صادق سنجرانی کا کہنا تھا کہ ہم اپنے وزار اور ایم پی ایز کو منائیں گے، ہماری پارٹی ہے ہم اکھٹے چلیں گے۔