کورونا ضوابط میں نرمی، بڑی تعداد میں عمرہ زائرین کی نماز جمعہ کی ادائیگی کے لیے حرم شریف آمد

انوشہ شیخ

22nd Oct, 2021. 11:36 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کورونا ضوابط میں نرمی، بڑی تعداد میں عمرہ زائرین کی نماز جمعہ کی ادائیگی کے لیے حرم شریف آمد

مکہ مکرمہ میں کورونا ضوابط میں نرمی کے بعد بڑی تعداد میں عمرہ زائرین نماز جمعہ کی ادائیگی کے لیے حرم شریف پہنچنے لگے ہیں۔

عرب میڈیا کے مطابق زائرین آج پہلا جمعہ مکمل گنجائش کے ساتھ ادا کرینگے۔

سربراہ حرمین شریفین شیخ عبدالرحمن السدیس کی جانب سے انتظامیہ کو سہولتوں کی فراہمی کی خصوصی ہدایت جاری کردی گئی ہیں جس میں بتایا گیا ہے کہ مسجد الحرام کے مزید 50 دروزاے آج کھول دیے جائیں گے جبکہ مسجد الحرام کے اندرونی صحنوں و ملحق راہداریوں کی ہمہ وقت سینیٹائزنگ کیلئے 4 ہزار سے زائد مرد و خواتین کارکنوں کو تعینات کردیا گیا ہے۔

اسکے علاوہ مسجد الحرام کے مختلف مقامات پر 500 سے زائد خود کار سینیٹائزر بوتلوں کی تنصیب کی گئی ہے اور ماسک کا استعمال بھی لازمی قرار دیا گیا ہے۔

حرمین شریفین انتظامیہ کے مطابق جسمانی درجہ حرارت چیک کرنے والے تھرمل کیمرے نصب کردئیے گئے اور مختلف مقام پہ 50 ہزار سے زائد آب زم زم کی بوتلوں کا خصوصی انتظام بھی کیا گیا ہے۔

اسکے علاوہ کولروں میں ایک لاکھ لیٹر آب زم زم کین رکھے گئے ہیں اور سیکوریٹی کے بھی سخت انتظامات کیے گئے ہیں۔

واضح رہے کہ معمر اور معذور افراد کے لیے 5 ہزار الیکٹریکل اور سادہ وہیل چیئرز کا بھی انتظام کیا گیا ہے۔