امریکہ کے ساتھ وسیع البنیاد اور پائیدار تعلقات چاہتے ہیں، وزیر خزانہ

تنزیلہ قریشی

15th Oct, 2021. 10:16 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

امریکہ کے ساتھ وسیع البنیاد اور پائیدار تعلقات چاہتے ہیں، وزیر خزانہ
بڑی سیاسی ہلچل، ن لیگ اور پیپلز پارٹی کا آزاد کشمیر حکومت کے خلاف عدم اعتماد لانے کا فیصلہ
جنرل ساحر شمشاد مرزا کا دورہ بنگلادیش، دفاعی و سلامتی تعاون مزید مضبوط بنانے پر اتفاق
اردن، فیلڈ مارشل سید عاصم منیر کی شاہ عبداللہ دوم سے ملاقات، دفاعی و سلامتی تعاون بڑھانے پر اتفاق

Now Reading:

امریکہ کے ساتھ وسیع البنیاد اور پائیدار تعلقات چاہتے ہیں، وزیر خزانہ

وزیر خزانہ شوکت ترین نے کہا ہے کہ امریکہ کے ساتھ وسیع البنیاد اور پائیدار تعلقات چاہتے ہیں۔

تفصیلات کے مطابق امریکہ کے دورے پر آئے ہوئے پاکستان کے وزیر خزانہ شوکت ترین سے امریکن اسسٹنٹ سیکرٹری آف اسٹیٹ برائے جنوبی و وسطی ایشیاء ڈونلڈ لو کی واشنگٹن میں پاکستانی سفارتخانے میں ملاقات ہوئی، ملاقات میں وزیر خزانہ نے امریکہ کے ساتھ بہتر دو طرفہ تعلقات خاص کر سرمایہ کاری اور تجارتی روابط بڑھانے کی ضرورت پر زور دیا۔

شوکت ترین کا کہنا تھا کہ امریکہ کے ساتھ وسیع البنیاد اور پائیدار تعلقات چاہتے ہیں، موجودہ حکومت معاشی اصلاحات کیلئے پر عزم ہے اور غیر ملکی و بین الاقوامی کمپنیوں کے لیے کاروبار اور سرمایہ کاری کو بہتر اور آسان بنانے کے لیے تمام تر اقدامات اٹھا رہے ہیں۔

وزیر خزانہ شوکت ترین نے کہا کہ افغانستان میں ایک جامع سیاسی تصفیے کے لیے پاکستان اپنی حمایت جاری رکھے گا، بین الاقوامی برادری افغان عوام کی مدد کرے کیونکہ اگر ایسا نہیں ہوگا تو افغانستان میں انسانی بحران کا خدشہ ہے۔

ملاقات میں اسسٹنٹ سکریٹری ڈونلڈ لو نے پاکستان میں موجودہ حکومت کی معاشی اصلاحات کے عزم کو سراہا، ڈونلڈ لو نے بھی پاکستان کے ساتھ دو طرفہ تعلقات بالاخصوص زیادہ سے زیادہ تجارتی اور سرمایہ کاری کے تعلقات کی خواہش کا اظہار کیا۔