وزیرداخلہ شیخ رشید احمد کا کہنا ہےکہ اپوزیشن نے کوئی غلطی کی تو ان کیلئے مسائل پیدا ہونگے۔

تفصیلات کے مطابق وفاقی وزیرداخلہ شیخ رشید احمد نے میڈیا سے گفتگو کرتے ہوئے کہاکہ اپوزیشن جان لےیہ شور شرابے کا وقت نہیں ،حکومت نےسوا 3 سا ل پورے کرلیے ہیں، حکومت 5 سال پورے کرے گی، کوئی غلط فہمی میں نہ رہے۔

ذرائع کے مطابق میڈیا سے گفتگو کرتے ہوئے شیخ رشید نے کہاکہ اپوزیشن ذمےداری کا ثبوت دے،20 سے 22 ماہ الیکشن میں باقی ہیں ، احتجاج قانون کے دائرے میں رہ کرکریں ہمیں قبول ہوگا،اپوزیشن افواہوں کے سہارے تحریک چلانا چاہتی ہے۔

وزیرداخلہ شیخ رشید نے مزید کہاکہ 10 سے 15  دن میں یہ افواہیں دم توڑ جائیں گی ،خطہ اہم ترین دورسے گزر رہا ہے۔

ذرائع کے مطابق وزیر داخلہ شیخ رشید احمد نے راولپنڈی میں جشن عید میلادالبنی ﷺ کی تقریب میں شرکت کی۔

وزیر داخلہ شیخ رشید نے مرکزی جلوس میں لگے اسٹال کا افتتاح کیا، اس موقع پرسجادہ نشین عید گاہ راولپنڈی پیر نقیب الرحمن نے دعا بھی کروائی۔

واضح رہےکہ ملک بھر میں جشنِ ولادت رسول ﷺ شایان شان طریقے سے مذہبی عقیدت واحترام کے ساتھ منائی جارہی ہے۔

پاکستان سمیت دنیا بھر میں عید میلادالنبی کے حوالے سے خصوصی تقریبات، کانفرنسز اور میلاد ریلیوں کا انعقاد کیا جارہا ہے۔

12 ربیع الاول کے دن کا آغاز وفاقی دارالحکومت اسلام آباد میں 31 توپوں کی سلامی سے ہوا ،پھر مساجد میں نماز فجر کے بعد ملکی سلامتی واستحکام کےلیےخصوصی دعائیں بھی کی گئی۔

وزیر اعظم عمران خان نے مذہبی امورکی وزارت کو ملک بھر میں جشن عیدمیلاد النبی صلی اللہ علیہ و آلہ وسلم شایان شان طریقے سے منانے کی ہدایت کی ہے۔

Advertisement

ہم اپنے رسول مکرم ﷺ کا یومِ ولادت یعنی ”عیدمیلاد النبی ﷺ“ نہایت شایانِ شان طریقے سے ملک بھر میں منائیں گے۔صبح صدرِمملکت ایک تقریب کی میزبانی کریں گے جبکہ مجھے سہ پہر میں کنونشن سنٹر میں یہ بابرکت دن منانے کا شرف حاصل ہوگا، انشاءاللہ! pic.twitter.com/xstPtfQZUl

— Imran Khan (@ImranKhanPTI) October 18, 2021

ملک بھر میں گلیوں، بازاروں اور مساجد سمیت تمام سرکاری و نجی عمارتوں کو برقی قمقموں اور رنگ برنگی جھنڈیوں سے سجایا گیا ہے۔