ٹورنامنٹس کا انعقاد صرف مقابلے نہیں بہترین صلاحیتوں کو سامنے لانا بھی ہے، کمشنر لاہور

تنزیلہ قریشی

09th Oct, 2021. 07:00 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ٹورنامنٹس کا انعقاد صرف مقابلے نہیں بہترین صلاحیتوں کو سامنے لانا بھی ہے، کمشنر لاہور

کمشنر لاہور کیپٹن (ر) محمد عثمان نے کہا ہے کہ ٹورنامنٹس کا انعقاد صرف مقابلے نہیں بہترین صلاحیتوں کو سامنے لانا بھی ہے۔

تفصیلات کے مطابق کوائش کے عالمی دن کے موقع پر پنجاب اسکوائش ایسوسی ایشن کے زیرِ اہتمام نمائشی میچز کا انعقاد کیا گیا جس میں کمشنر لاہور کیپٹن (ر) محمد عثمان اور صدر پنجاب اسکوائش ایسوسی ایشن نورالامین مینگل نے بطور مہمان خصوصی شرکت کی۔

کمشنر لاہور کیپٹن (ر) محمد عثمان نے کہا کہ ٹورنامنٹس کا انعقاد صرف مقابلے نہیں بہترین صلاحیتوں کو سامنے لانا بھی ہے، پنجاب اسکوائش ایسوسی ایشن کی نوجوان کھلاڑیوں کیلئے کاوشوں کے بہترین نتائج حاصل ہوں گے۔

صدر پنجاب اسکوائش ایسوسی ایشن نور الامین مینگل نے کہا کہ اسکوائش کے فروغ کے لیے ٹورنامنٹس کا انعقاد انتہائی ضروری ہے، ہم نوجوان کھلاڑیوں کو مزید مواقع بھی دیں گے۔

صدر پنجاب اسکوائش ایسوسی ایشن نور الامین مینگل کا کہنا تھا کہ ٹارگٹ ورلڈ اسکواش چیمپئن شپ جیتنا ہے اس کو مدِ نظر رکھتے ہوئے کام کیا جا رہا ہے، انڈر10 اور انڈر 15 کی سطح پر زیادہ سے زیادہ کام کیا جا رہا ہے۔

صدر پنجاب اسکوائش ایسوسی ایشن نور الامین مینگل اور کمشنر لاہور کیپٹن (ر) محمد عثمان نے بچوں میں کٹس اور راکٹس بھی تقسیم کیے۔