ترجمان حکومت بلوچستان لیاقت شاہوانی نے کہا ہے کہ ناراض اراکین اخلاقی دیوالیہ کا شکار ہیں۔

تفصیلات کے مطابق ترجمان حکومت بلوچستان لیاقت شاہوانی نے پریس کانفرنس کرتے ہوئے کہا کہ ناراض اراکین کو پی ڈی ایم کی جماعتوں کی مکمل حمایت حاصل ہے۔

ترجمان حکومت بلوچستان نے کہا کہ ناراض اراکین اخلاقی دیوالیہ کا شکار ہیں اس لئے وہ بے بنیاد پروپیگنڈا کررہے ہیں۔

لیاقت شاہوانی کا کہنا تھا کہ اپوزیشن اور ناراض اراکین نے لاپتہ کو حبس بے جا میں رکھا ہے۔ اپوزشن کی جانب سے پریس کانفرنس میں سینگین الزامات لگائے گئے، اپوزشن کی جانب سے لگایا گا الزام کو مسترد کرتے ہے۔

ترجمان حکومت بلوچستان لیاقت شاہوانی کا مزید کہنا تھا کہ انکے ناراض رکن نے خود ٹویٹ کیا کے وہ بیمار ہے لیکن اس کے باوجود بھی الزام لگائے ہے، جن جن اراکین نے ٹویٹ کیا ہے انہوں نے اس بات کا ذکر نہیں کیا کے وہ ناراض اراکین کا حصہ ہے اور اگر اراکین لاپتہ ہو گئے ہے تو ان کے گھر والے اب تک سامنے کیوں نہیں آئے ہے۔

واضح رہے گزشتہ روز ترجمان حکومت بلوچستان لیاقت شاہوانی نے پریس کانفرنس کرتے ہوئے کہا تھا کہ حکومت کیخلاف پروپیگنڈا کیا جارہا ہے ، عوام تصدیق کے بعد خبریں شیئر کیا کرے۔

انہوں نے کہا تھا کہ کل وزیراعلیٰ کیخلاف تحریک عدم اعتماد پیش کی گئی ، ایم پی ایز اپنی ووٹنگ میں بااختیار ہیں ، حزب اختلاف اراکین حکومت پر بلاجواز الزامات لگارہے ہیں ،  حکومت پر اراکین کو لاپتہ کرنے کا الزام لگایا گیا ، ووٹنگ کے دن پتا چلے گا کہ اکثریت کس کے پاس ہے ، فیصلہ 25 اکتوبر کو ہوگا۔

لیاقت شاہوانی نے کہا تھا کہ وزیراعلیٰ کیخلاف تحریک عدم اعتماد پی ڈی ایم کی سازش ہے ، پی ڈی ایم کے دوست بلوچستان میں چنگاری لگانے کا اعتراف کرچکے ہیں ، ناراض اراکین کو منانے کی کوشش کررہے ہیں ، وزیراعلیٰ کو پریشرائز کرکے ان سے استعفیٰ لینا چاہتے تھے جو کہ ناکام ہوئے۔

ترجمان حکومت بلوچستان لیاقت شاہوانی نے کہا تھا کہ روز اول سے وزیراعلیٰ استعفی نہ دینے پر ڈٹے ہوئے ہیں ، پارلیمانی لیڈر کی تبدیلی کیلئے جو درخواست دی گئی ان میں 4 وہ ہیں جنہیں لاپتہ کہا جارہا ہے۔