نوکری کا جھانسا دے کر پیسوں کا تقاضا کرنے والے ادارے عوام کے دشمن ہیں، ترجمان پی پی ایس سی

تنزیلہ قریشی

07th Oct, 2021. 08:00 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

نوکری کا جھانسا دے کر پیسوں کا تقاضا کرنے والے ادارے عوام کے دشمن ہیں، ترجمان پی پی ایس سی
بڑی سیاسی ہلچل، ن لیگ اور پیپلز پارٹی کا آزاد کشمیر حکومت کے خلاف عدم اعتماد لانے کا فیصلہ
جنرل ساحر شمشاد مرزا کا دورہ بنگلادیش، دفاعی و سلامتی تعاون مزید مضبوط بنانے پر اتفاق
اردن، فیلڈ مارشل سید عاصم منیر کی شاہ عبداللہ دوم سے ملاقات، دفاعی و سلامتی تعاون بڑھانے پر اتفاق

Now Reading:

نوکری کا جھانسا دے کر پیسوں کا تقاضا کرنے والے ادارے عوام کے دشمن ہیں، ترجمان پی پی ایس سی

پنجاب پبلک سروس کمیشن (پی پی ایس سی) کے ترجمان نے کہا ہے کہ نوکری دلوانے کا جھانسا دے کر پیسوں کا تقاضا کرنے والے ادارے عوام کے دشمن ہیں۔

تفصیلات کے مطابق پنجاب پبلک سروس کمیشن (پی پی ایس سی) کے ترجمان نے اپنے ایک بیان میں کہا کہ سوشل میڈیا پر جعلی پیج اور پوسٹ کے ذریعے معصوم عوام کو نوکری کا جھانسا دیا جا رہا ہے، پی پی ایس سی ایسے پیج اور پوسٹ سے لاتعلقی کا اظہار کرتی ہے۔

ترجمان پی پی ایس سی نے کہا کہ پنجاب پبلک سروس کمیشن کا فیس بک پر کوئی پیج نہیں ہے، عوام ایسے جعل سازوں اور دھوکے بازوں سے ہوشیار رہیں، نوکری دلوانے کا جھانسا دے کر پیسوں کا تقاضا کرنے والے ادارے عوام کے دشمن ہیں، ایسے ہتھکنڈوں سے ادارے کی ساکھ کو نقصان پہنچانے کی کوشش کی جا رہی ہے۔

پنجاب پبلک سروس کمیشن (پی پی ایس سی) کے ترجمان کا کہنا تھا کہ پی پی ایس سی نے سائبر کرائم میں اس اکاؤنٹ کے خلاف رپورٹ درج کروا دی ہے، جلد اس میں ملوث ملزمان کو کیفر کردار تک پہنچایا جائے گا، آسامیوں، امتحانات اور نتائج سے متعلقہ مصدقہ اطلاعات صرف پی پی ایس سی کی ویب سائٹ پر موجود ہیں، پبلک سروس کمیشن انتہائی شفافیت اور میرٹ پر امیدواران کی سلیکشن کرتا ہے۔