صوبائی وزیر میاں اسلم اقبال نے کہا ہے کہ ن لیگ نے اس ملک کو بڑے بڑے زخم دئیے ہیں۔

تفصیلات کے مطابق صوبائی وزیر میاں اسلم اقبال نے پنجاب اسمبلی کے اجلاس سے خطاب کرتے ہوئے کہا کہ عمران خان نے اقوام متحدہ میں کشمیر کا بھرپور مقدم لڑا، نریندر مودی نے مسلمانوں کا قتل عام کیا، اس وقت پاکستان کے وزیر اعظم نے بغیر ویزے مودی کو شادی کی تقریب میں بلایا، حمزہ شہباز بٹ صاحب نے جو باتیں کیں جواب دینا چاہتا ہوں، حمزہ شہباز نے کہا کہ باڈر کے درمیاں لکیر کوئی معنی نہیں رکھتی ، حمزہ شہباز کو کیا معلوم کے لکیر کے بدلے لاکھوں جانیں قربان کیں، یہ سلامتی قونسل کے ادارے کے خلاف غیر ملکیوں کو خبریں دیتے ہیں۔

میاں اسلم اقبال کا کہنا تھا کہ انہوں نے اس وقت بھی سازشیں کر کے حکومتیں کیں ہیں، گزشتہ 3 سالوں سے ان کی جیبوں کی معیشت نہیں چلی ہے، عمران خان سابق دورِ حکومت کے سود سمیت قرضے ادا کر رہے ہیں، عوام کے پسوں سے ناشتہ کرنے والوں کے پیٹ میں غریب کا درد کیسے ہو سکتا ہے؟ 33 سال سابق حکومت نے گند کیا ہے اس گند کو وزیر اعظم عمران خان صاف کر رہے ہیں۔

انہوں نے کہا کہ ن لیگ نے اس ملک کو بڑے بڑے زخم دئیے ہیں، سابق حکومت نے ملک میں مہنگے ترین بجلی کے پراجیکٹس لگائے ہیں، مہنگائی پراجیکٹ کا خمیازہ آج غریب عوام بھگت رہی ہے، چینی چور کی بات کرنے والوں کا خود چینی کا کاروبار ہے، میرے پاس شوگر ملز کی لسٹ ہے جن میں شریف خاندان کی سب سے زیادہ شوگر ملز ہیں، چینی، دودھ، مرغی اور انڈے کا کاروبار شریف خاندان کا ہے۔

میاں اسلم اقبال کا کہنا تھا کہ شریف خاندان تو چھوٹے سے چھوٹے مخالف کو نہیں چھوڑتے ہیں، انہوں نے متحرمہ بے نظیر کی جہاز سے گندی تصویر پھینکی تھی، کیا وہ کسی کی بہن، بیٹی نہیں تھی؟ سابق دور میں انہوں نے باریاں لگائی ہوئی تھی، سابق حکومت نے پاکستانی قوم کو 33 سالوں میں زخم کے علاوہ کچھ  نہیں دیا، ن لیگ اپنے دورِ حکومت میں ساڑھے 7 ارب چھوڑ کر گئے آج 27 ارب ڈالر ہیں، موجودہ حکومت کے دور میں 2 ہزار ارب روپے کے اسٹیٹ بینک نے عوام کو قرضے دئیے ہیں۔

صوبائی وزیر میاں اسلم اقبال نے کہا کہ سابق حکومت کے دور میں ملز لوگوں نے تول کر فروخت کی تھی، پاکستان کی انڈسٹریز میں تین سالوں میں 9 فیصد اضافہ ہوا ہے، پنجاب میں آٹے کا تھیلا 11 سو روپے کا ہے، سندھ میں آٹے کا تھیلا 1500 روپے کا ہے۔