گورنر سندھ کی ترکی میں استنبول کے میئر سے ملاقات

مریم اقبال

28th Oct, 2021. 04:26 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

گورنر سندھ کی ترکی میں استنبول کے میئر سے ملاقات

گورنر سندھ عمران اسماعیل نے ترکی میں استنبول کے میئر اکرم امام اوغلو سے ملاقات کی ہے۔

تفصیلات کے مطابق گورنر سندھ عمران اسماعیل نے ترکی میں استنبول کے میئر اکرم امام اوغلو سے ملاقات کی جس میں پاکستان اور ترقی کے تعلقات میں فروغ سمیت باہمی دلچسپی کے دیگر امور پر تبادلہ خیال کیا گیا۔

اس موقع پر ممبر صوبائی اسمبلی سندھ علی عزیز جی جی بھی موجود تھے۔

ملاقات میں استنبول میں بے روزگار پاکستانیوں کے مناسب روزگار کے حوالے سے بھی تفصیلی گفتگو کی گئی۔

گورنر سندھ نے استنبول کے میئر کو کراچی آنے کی دعوت دی ، جو انہوں نے خوشدلی کے ساتھ قبول کی۔

استنبول ماس ٹرانزٹ سسٹم کی طرز پر کراچی میں بھی ماڈرن ٹرانسپورٹ نظام کے لیے ترکی کے ایکسپرٹس پر مشتمل ٹیم کو گورنر سندھ نے کراچی کے دورہ کی دعوت دی۔

اس کے علاوہ گورنر سندھ نے 29 اکتوبر ترکی کے قومی دن کے حوالہ سے مبارکباد اور نیک خواہشات کا اظہار کیا۔

گورنر سندھ عمران اسماعیل نے ترکی کا بین الاقوامی سطح پر مسئلہ کشمیر سے متعلق پاکستانی موقف پر بھر پور تائید پر اظہار تشکر کیا۔