مسلم لیگ (ن) پنجاب کے صدر رانا ثناء اللہ نے کہا ہے کہ لاہور جین مندر چوک میں کل بعد نمازِ جمعہ احتجاج ہوگا۔

تفصیلات کے مطابق مسلم لیگ (ن) پنجاب کے صدر رانا ثناء اللہ نے پنجاب میں مہنگائی کے خلاف احتجاجی مظاہروں کا شیڈول جاری کردیا ہے۔

صدر رانا ثناء اللہ کی جانب سے تمام تنظیموں کو جاری کردہ ہدایت میں تمام مظاہروں میں عوامی شرکت کو یقینی بنانے اور حکومتی نااہلی، کرپشن اور مہنگائی پر عوام کے ساتھ شانہ بشانہ کھڑے ہونے کی ہدایت شامل ہیں۔

مسلم لیگ (ن) پنجاب کے صدر رانا ثناء اللہ کا کہنا تھا کہ جین مندر چوک میں کل بعد نمازِ جمعہ کے بعد احتجاج ہوگا، مظفر گڑھ میں جامع مسجد شہر والی (مین سٹی) سے ریلی نکالی جائے گی، مری مال روڈ میں شاہد خاقان عباسی کی زیرِ قیادت احتجاج ہوگا، جھنگ میں وقار سی این جی پمپ ایوب چوک میں بھی احتجاج ہوگا۔

صدر رانا ثناء اللہ نے کہا کہ قصور میں ڈیرہ میاں وسیم اختر شیخ (شہباز خاں روڈ)، میانوالی میں ریلوے اسٹیشن چوک،خوشاب میں مسلم لیگ (ن) ہاؤس کے سامنے اور بہاولپور میں جمعہ کے روز فرید گیٹ کے سامنے احتجاج ہوگا۔

انہوں نے کہا کہ بھکر میں ضلعی سیکرٹریٹ جھنگ چوک، حافظ آباد میںضلعی سیکرٹریٹ فوارہ چوک نزد پریس کلب کے سامنے احتجاج ہوگا جبکہ عرفان دولتانہ وہاڑی غلہ منڈی سے بلدیہ تک ریلی نکالیں گے۔

مسلم لیگ (ن) پنجاب کے صدر رانا ثناء اللہ کا مزید کہنا تھا کہ 22 اکتوبر کو جوہر آباد خوشاب میں احتجاجی ریلی نکالی جائے گی جبکہ 22 اکتوبر بروز جمعہ کو ختمِ نبوت چوک لیہ میں احتجاج ہوگا۔