حکومت نے شوکت ترین کو مشیر خزانہ اورریونیو مقرر کر دیا ہے۔

تفصیلات کے مطابق جاری کر دہ نوٹی فکیشن کے مطابق شوکت ترین اب وزیراعظم کے مشیر برائے فنانس اینڈ ریونیو ہوں گے۔

ذرائع کے مطابق شوکت ترین کو مشیر خزانہ بنانے کا نوٹی فکیشن جاری کر دیا گیا ہے۔ سینیٹر بننے تک شوکت ترین مشیر خزانہ کے فرائض سرانجام دیں گے۔

وزیراعظم عمران خان کی منظوری کے بعد کابینہ ڈویژن نے نوٹی فکیشن جاری کردیاہے۔

 یادرہےکہ شوکت ترین کی بطور وزیر مدت 16 اکتوبر کو ختم ہوچکی ہے۔

ذرائع کے مطابق شوکت ترین کا عہدہ وفاقی وزیر کے برابر ہوگا۔اس سے قبل شوکت ترین وفاقی وزیر خزانہ کے عہدے پر کام کر رہے تھے تاہم ان کی قومی اسمبلی کا رکن منتخب ہوئے بغیر وفاقی وزیر بنائے جانے کی مدت ہفتے کے روز ختم ہو گئی تھی جس کے بعد انہیں مشیر خزانہ مقرر کیا گیا ہے۔

واضح رہےکہ وفاقی وزیر خزانہ شوکت ترین اپنے دورہ امریکہ کے دوسرے مرحلے میں نیو یارک پہنچ گئے ہیں۔

وزیرخزانہ شوکت ترین کا کہنا ہے کہ آئی ایم ایف سے مذاکرات جاری ہیں،انشاءاللہ کامیاب ہوں گے ،قوم کو ناامید نہیں ہونا چاہیے۔

ذرائع کے مطابق اس حوالے سے وزارت خزانہ کی جانب سے بھی ایک ٹوئٹ کیا گیا ہے۔

pic.twitter.com/5a2NJvzgQy

Advertisement

— Ministry of Finance (@FinMinistryPak) October 17, 2021

ذرائع کے مطابق وزیر خزانہ شوکت ترین اس وقت امریکہ کے سرکاری دورہ پر ہیں اورگورنر اسٹیٹ بینک رضا باقر بھی ان کے ہمراہ ہیں ۔

اس موقع پر قونصل جنرل نیویارک نے وزیر خزانہ اور گورنر اسٹیٹ بینک کا استقبال کیا۔

نیویارک میں میڈیا سے گفتگو کرتے ہوئے وفاقی وزیر خزانہ شوکت ترین نے آئی ایم ایف سے مذاکرات کے حوالے سے کہا کہ بینکس ہمیشہ ڈومور کا ہی مطالبہ کرتا ہے، ماضی میں ہماری برآمدات اتنی اچھی نہیں رہیں۔ مہنگائی کم کرنے کیلئے کام کر رہے ہیں، معیشت میں بہتری آ رہی ہے تاہم تھوڑا وقت درکار ہے۔

وزیرخزانہ نے مزید کہا کہ ایم ڈی آئی ایم ایف سےملاقات کافی مفیدرہی، قوم کو ناامید نہیں ہونا چاہیے۔

گزشتہ روز وزارت خزانہ کے ترجمان مزمل اسلم نے آئی ایم ایف سےمذاکرات کی ناکامی کی خبروں تردید کرتے ہوئے کہا تھا کہ خبروں میں صداقت نہیں، جمعہ کو مذاکرات جہاں پر تھے ، وہیں سے پیر سے دوبارہ آغاز ہوگا، مذاکرات بلاتعطل پیرسےدوبارہ شروع ہوں گے۔

آئی ایم ایف سے مذاکرات کی ناکامی کی خبروں میں کوئی صداقت نہیں،ترجمان وزارت خزانہ
جمعے کو مذاکرات جہاں پر تھے وہیں سے پیر سے دوبارہ آغاز ہوگا،ترجمان وزارت خزانہ
مذاکرات بلا تعطل پیر سے دوبارہ شروع ہوں گے،مزمل اسلم
مذاکرات ختم ہونے کوئی حتمی تاریخ نہیں ہے،ترجمان وزارت خزانہ 1/2

Advertisement

— Muzzammil Aslam (@MuzzammilAslam3) October 17, 2021

ترجمان مزمل اسلم کا مزید کہنا تھا کہ مذاکرات ختم ہونے کی کوئی حتمی تاریخ نہیں ہے، آئی ایم ایف سے مذاکرات کامیابی تک جاری رہیں گے۔

شوکت ترین کو مشیر خزانہ بنا دیا گیا ، نوٹی فکیشن جاری

شوکت ترین کو مشیر خزانہ بنانے کا نوٹی فکیشن جاری کر دیا گیا ہے۔

ذرائع کے مطابق سینیٹر بننے تک شوکت ترین مشیر خزانہ کے فرائض سرانجام دیں گے۔

وزیراعظم عمران خان کی منظوری کے بعد کابینہ ڈویژن نے نوٹی فکیشن جاری کردیاہے۔

 واضح رہےکہ شوکت ترین کی بطور وزیر مدت 16 اکتوبر کو ختم ہوچکی ہے۔