وفاقی حکومت نے پیٹرول بم گراکر ہماری مشکلات مزید بڑھادی ہیں، ارشاد بخاری

تنزیلہ قریشی

20th Oct, 2021. 04:55 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وفاقی حکومت نے پیٹرول بم گراکر ہماری مشکلات مزید بڑھادی ہیں، ارشاد بخاری

صدر کراچی ٹرانسپورٹ اتحاد ارشاد حسین شاہ بخاری نے کہا ہے کہ وفاقی حکومت نے پیٹرول بم گراکر ہماری مشکلات مزید بڑھادی ہیں۔

تفصیلات کے مطابق صدر کراچی ٹرانسپورٹ اتحاد ارشاد حسین شاہ بخاری نے اپنے جاری کردہ ایک بیان میں کہا کہ وزیر اعظم عمران خان پیٹرولیم مصنوعات کی قیمتیں واپس لیں، بصورت دیگر گاڑیاں خود بخود کھڑی کردیں گے، حالیہ ڈیزل پیٹرول کی قیمتیں بے تحاشہ بڑھائی گئی ہیں۔

ارشاد حسین شاہ بخاری کا کہنا تھا کہ ٹرانسپورٹرز پہلے کسمپرسی کی زندگی گزار رہے تھے کہ یہ اضافہ کردیا گیا، وفاقی حکومت نے پیٹرول بم گراکر ہماری مشکلات مزید بڑھادی ہیں، ہماری وزیر اعظم عمران خان سے اپیل ہے کہ ڈیزل اور پیٹرول کی قیمت میں اضافہ واپس لیا جائے۔

انہوں نے کہا کہ کمر توڑ مہنگائی نے عوام الناس کا جینا حرام کردیا ہے، اسپیئر پارٹس، ٹائر ٹیوب اور آئل کی قیمتیں آسمان پر پہنچ گئی ہیں، ان حالات میں ٹرانسپورٹ چلانا انتہائی دشوار ہوگیا ہے۔

صدر کراچی ٹرانسپورٹ اتحاد ارشاد حسین شاہ بخاری کا مزید کہنا تھا کہ اشیاء خوردنوش کی قیمتیں 300 فیصد بڑھ گئی ہیں۔