ٹی ٹوئنٹی ورلڈ کپ کے میچ میں انگلینڈ نے دفاعی چیمپئن ویسٹ انڈیز کو 6 وکٹوں سے شکست دے دی۔

تفصیلات کے مطابق دبئی کے میدان میں کھیلے جانے والے میچ میں انگلش ٹیم نے 56 رنز کا ہدف باآسانی 4 وکٹوں کے نقصان پر 9 ویں اوور میں حاصل کرلیا۔

اس سے قبل انگلینڈ نے ٹاس جیت کر پہلے فیلڈنگ کا فیصلہ کیا انگلش ٹیم میں کرس ووکس کو شامل کیا گیا تھا۔

Superb career-best figures for Adil Rashid to finish the job for England! 🔥#ENGvWI | #T20WorldCup pic.twitter.com/rNe9EOQUXf

Advertisement

— ESPNcricinfo (@ESPNcricinfo) October 23, 2021

دبئی میں ہونے والے اس میچ میں انگلینڈ نے 14.2 اوورز میں ویسٹ انڈیز کو محض 55 رنز پر آل آؤٹ کردیا۔

ویسٹ انڈیز کی جانب سے کرس گیل 13 رنز بناکر ٹاپ اسکورر رہے جبکہ عادل رشید 4، ٹائمل ملز، معین علی 2،2 جبکہ کرس ووکس اور کرس جارڈن نے ایک ایک وکٹ حاصل کی۔

عادل رشید نے بہترین بولنگ کرتے ہوئے 2.2 اوورز میں محض 2 رنز دے کر 4 وکٹیں حاصل کیں۔

اس کے بعد انگلینڈ کی ٹیم نے ہدف 8.2 اوورز میں 4 وکٹوں کے نقصان پر حاصل کیا جبکہ جوس بٹلر 24 رنز بناکر ٹاپ اسکورر رہے۔

ویسٹ انڈیز کی جانب سے لیفٹ آرم اسپنر عقیل حسین نے دو کھلاڑیوں کو آؤٹ کیا۔

خیال رہے کہ سپر 12 مرحلے میں ہر ٹیم پانچ میچز کھیلے گی اور آخر میں گروپ 1 اور گروپ 2 کی ٹاپ 2 ٹیمیں سیمی فائنل کے لئے کوالیفائی کریں گی۔