چیئرمین پیپلز پارٹی کا دوسرے روز بھی شہر کی مختلف یوسیز کا دورہ

تنزیلہ قریشی

26th Oct, 2021. 02:43 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

چیئرمین پیپلز پارٹی کا دوسرے روز بھی شہر کی مختلف یوسیز کا دورہ

پاکستان پیپلز پارٹی کے چیئرمین بلاول بھٹو زرداری نے دوسرے روز بھی شہر کی مختلف یوسیز کا دورہ کیا ہے۔

تفصیلات کے مطابق چیئرمین بلاول بھٹو کچھ دیر میں پیپلز پارٹی سندھ کے صدر نثار کھوڑو سمیت دیگر رہنماؤں سے ملاقات کریں گے، بلاول بھٹو نے شہر کی یونین کونسل 3 اور 4 میں آمد سے قبل ضلع و میونسپل انتظامیہ کو متحرک کیا، یوسی 3 اور 4 میں سچل کالونی، بوائز ڈگری کالج روڈ، نظر محلہ میں زور شور سے صفائیوں کا کام جاری ہے، مذکورہ یوسیز کے ٹوٹ پھوٹ کے شکار روڈ راستوں پر پیچ ورک کا کام بھی جاری ہے۔

بلاول بھٹو کے قافلے کی گزر گاہ روٹ پر موجود ٹھیلے والوں کا کاروبار بند کروا دیا گیا، میونسپل عملہ سچل کالونی میں کھڑے جوس فروش کی مشین لے گیا، نوجوان زاہد بھٹو نے میونسپل عملے کے رویے کے خلاف احتجاج کیا۔

نوجوان زاہد بھٹو کا کہنا تھا کہ فٹ پاتھ پر کھڑے ہو کر روزگار کرتے ہیں بنا پیشگی اطلاع کے میونسپل عملے نے توڑ پھوڑ کر کے مشین بھی ساتھ لے گئے، بلاول بھٹو تو مسائل سننے آ رہے ہیں انہوں نے تو نہیں کہا کہ روزگار بند کرواؤ پھر انتظامیہ ایسا کیوں کر رہی ہے؟