پاکستان کو پولیو سے پاک کرنا ہمارا مشن ہے، صوبائی وزیر صحت

اسفا سروت

24th Oct, 2021. 11:19 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان کو پولیو سے پاک کرنا ہمارا مشن ہے، صوبائی وزیر صحت

صوبائی وزیر صحت ڈاکٹر یاسمین راشد نے کہا ہے کہ پاکستان کو پولیو سے پاک کرنا ہمارا مشن ہے۔

تفصیلات کے مطابق صوبائی وزیر صحت ڈاکٹر یاسمین راشد نے پولیو سے بچاؤ کے عالمی دن پر پیغام دیتے ہوئے کہا کہ پنجاب کو پولیو فری بنانے کیلئے مؤثر اقدامات اٹھائے جارہے ہیں۔

صوبائی وزیر صحت کا کہنا ہے کہ پنجاب کے بچوں کو محفوظ اور صحت مند ماحول فراہم کرنا اولین ترجیح ہے، پنجاب میں پولیو کے خاتمے کیلئے تمام اسٹیک ہولڈرز اپنا کردار ادا کررہے ہیں۔

ڈاکٹر یاسمین راشد نے کہا ہے کہ والدین اپنے معصوم بچوں کو مستقل جسمانی محتاجی سے پچانے کیلئے پولیو کے قطرے لازمی پلائیں، پولیو کے خلاف جنگ میں والدین کا کردار سب سے اہم ہے، والدین انسداد پولیو مہم کے دوران ہیلتھ ورکرز کے ساتھ مکمل تعاون کیا کریں۔

صوبائی وزیر صحت ڈاکٹر یاسمین راشد نے مزید کہا ہے کہ تمام انسداد پولیو مہمات کے دوران بچوں کو پولیو کے قطرے پلانے کے 100 فیصد ہدف کو یقینی بنایا جارہا ہے، وزیراعظم عمران خان اور وزیراعلیٰ پبجاب سردارعثمان بزدار پاکستان کو پولیو فری ملک دیکھنا چاہتے ہیں۔