خیبرپختونخوا میں بارشوں اور برفباری کا امکان

تنزیلہ قریشی

20th Oct, 2021. 07:19 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

خیبرپختونخوا میں بارشوں اور برفباری کا امکان

محکمہ موسمیات نے خیبرپختونخوا میں بارشوں اور برفباری کی پیشگوئی کردی ہے۔

تفصیلات کے مطابق خیبرپختونخوا میں جمعہ کی شام سے بارشوں اور برفباری کا سلسلہ شروع ہونے کا امکان ہے، بارشوں اور برفباری کا نیا سلسلہ اتوار تک جاری رہنے کی توقع ہے۔

محکمہ موسمیات کا کہنا ہے کہ چترال، دیر، سوات، مالاکنڈ اور کوہستان میں بارش کا امکان ہے جبکہ شانگلہ، بونیر، مانسہرہ، ایبٹ آباد، ہری پور، صوابی اور مردان میں بھی بارش متوقع ہے۔

محکمہ موسمیات کے مطابق نوشہرہ، پشاور، چارسدہ، باجوڑ، کرم، وزیرستان اور کوہاٹ میں تیز بارشوں امکان ہے، بارشوں کے اس نئے سلسلے میں پہاڑی علاقوں میں برفباری کی بھی پیشگوئی کی گئی ہے۔

پی ڈی ایم اے خیبر پختونخوا نے ضلعی انتظامیہ کو مراسلہ جاری کر دیا ہے، جس کے مطابق تیز بارشوں کے پیشِ نظر ضلعی انتظامیہ اور متعلقہ اداروں کو پیشگی اقدامات کرنے اور الرٹ رہنے کی ہدایات جاری کی گئی ہیں۔

ترجمان پی ڈی ایم اے تیمور علی کا کہنا ہے کہ سیاح دورانِ سفر خصوصی احتیاطی تدابیر اختیار کریں اور موسمی صورت حال سے باخبر رہیں، پی ڈی ایم اے کا ایمرجنسی آپریشن سینٹر مکمل فعال ہے، عوام کسی بھی نا خوشگوار واقعے کی اطلاع ہیلپ لائن 1700 پر دیں۔