الیکشن کمیشن نے این اے 133 میں ضمنی انتخابات کا شیڈول جاری کردیا۔

تفصیلات کے مطابق الیکشن کمیشن نے این اے 133 میں ضمنی انتخابات کا شیڈول جاری کردیا جبکہ این اے 133 کی نشست مسلم لیگ کے رہنما پرویز ملک کی وفات کے بعد خالی ہوئی تھی۔

الیکشن کمیشن کا کہنا تھا کہ کاغذات نامزدگی جمع کروانے کا عمل 21 اکتوبر سے شروع ہوگا ۔

الیکشن کمیشن کا کہنا تھا کہ امیدواروں کے نام کی لسٹ 26 اکتوبر کو جاری ہوگی جبکہ 30 اکتوبر کو کاغذات نامزدگی جانچ پڑتال ہوگی۔

الیکشن کمیشن کا کہنا تھا کہ کاغذات نامزدگی مسترد یا منظور  ہونے کے خلاف اپیل 3 نومبر تک جمع ہو سکے گی۔

الیکشن کمیشن کا کہنا تھا کہ 10 نومبر کو امیدواروں کے ناموں کی لسٹ آویزاں کی جائے گی جبکہ کاغذات نامزدگی واپس لینے کی تاریخ بھی 11 نومبر ہے ۔

الیکشن کمیشن کا کہنا تھا کہ 12 نومبر کو امیدواروں کو انتخابی نشان الاٹ کیے جائے گے ۔

الیکشن کمیشن کا مزید کہنا تھا کہ این اے 133 میں پولنگ کا عمل 5 دسمبر کو ہوگا۔