وزیر اعلیٰ سندھ سید مراد علی شاہ نے کہا ہے کہ لاہور میں آٹے کی قیمت کراچی سے زیادہ ہے۔

تفصیلات کے مطابق وزیر اعلیٰ سندھ سید مراد علی شاہ نے میڈیا سے گفتگو کرتے ہوئے کہا لاہور میں کراچی سے زیادہ آٹا مہنگا ہے، سندھ حکومت ہمیشہ 15 اکتوبر کو گندم ریلیز کرتی ہے، وفاقی حکومت بیرون ملک سے گندم امپورٹ کر کے ملکی کاشکاروں کو نقصان دے رہی ہے۔

ان کا کہنا تھا کہ اس وقت یہاں اس پر بات نہ کروں تو اچھا ہے، وفاقی حکومت کے لوگوں نے کم روٹی اور چینی کھانے کی باتیں کی ہیں، میرا وزن پہلے سے کم ہوگیا ہے، سچ سچ ہوتا ہے یہ جھوٹ کے پیچھے چھپے ہیں، اپوزیشن کو جو کچھ کرنا ہے کرے، اپوزیشن جو کچھ بھی کہے میں اس جگہ پر سیاسی بات نہیں کروں گا، یہ 6 روپے سے زائد پر گندم امپورٹ کررہے ہیں، آٹے کی قیمت ان کے کنٹرول میں نہیں آئے گی۔

وزیر اعلیٰ سندھ سید مراد علی شاہ نے کہا کہ مارچ اور اپریل میں گندم کی کٹائی ہوتی ہے، ہم پر گزشتہ بار بھی پریشر ڈالا گیا لیکن ہم ان کے پریشر میں نہیں آئے تھے، حکومت سندھ ہر سال 15 اکتوبر یا اس کے بعد گندم ریلیز کرتی ہے، ہم 1970 سے کئی بار حکومت میں آئے ہیں، ہمیں معلوم ہے کہ حکومت کیسے چلتی ہے، این سی او سی کے تحت ہم کوشش کرتے ہیں کہ فیصلوں کو فالو کریں، وفاق کی کسی چیز پر ابھی کوئی بات نہیں کرسکتا ہوں۔