نیب حکام اب جھوٹ پھیلا کر دوسروں کو بدنام کر رہے ہیں، سلیم مانڈوی والا

مریم اقبال

04th Oct, 2021. 04:23 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نیب حکام اب جھوٹ پھیلا کر دوسروں کو بدنام کر رہے ہیں، سلیم مانڈوی والا

سینیٹر سلیم مانڈوی والا نے کہا ہے کہ پارلیمنٹ کے سامنے پیش ہونے سے بھاگنے والے نیب حکام اب جھوٹ پھیلا کر دوسروں کو بدنام کر رہے ہیں۔

تفصیلات کے مطابق سینیٹر سلیم مانڈوی والا نے کہا ہے کہ نیب کو میرے خلاف کچھ حاصل نہیں ہوا تو اب جھوٹی خبریں پھیلاکر میرا میڈیا ٹرائل کیا جا رہا ہے۔

انہوں نے کہا کہ نیب کو ارکان پارلیمنٹ اور سیاسی شخصیات کی پگڑیاں اچھالنے کا لائسنس کس نے دے رکھا ہے ، نیب خود کو پارلیمان سے بالاتر سمجھنا اور جھوٹی اور من گھڑت خبریں پھیلانا بند کرے۔

سلیم مانڈوی والا نے کہا ہے کہ نیب نے میڈیا کو خبریں جاری کی ہیں کہ سلیم مانڈوی والا نے حاضری سے استثنیٰ کی درخواست دی ہے ، درخواست کیس میں نامزد دیگر شخصیات کے وکلاء کی جانب سے دائر کی گئی ہے ، نیب عدالت نے میری حاضری سے مستقل استثنیٰ دینے کی درخواست پہلے ہی منظور کر رکھی ہے۔

سینیٹر سلیم مانڈوی والا نے کہا ہے کہ نیب کا اس طرح کا جواب گمراہ کن حقائق کے منافی اور توہین عدالت ہے ، احتساب عدالت نیب کی جانب سے کیے جانے والے میڈیا ٹرائل اور پروپیگنڈے کا نوٹس لے۔