معاون خصوصی برائے سیاسی ابلاغ شہبازگل نے کہا ہے کہ سیاسی چڑیل بھی ہمیں جادو ٹونے کے طعنے دے رہی ہے۔

تفصیلات کے مطابق معاون خصوصی برائے سیاسی ابلاغ شہبازگل نے میڈیا سے گفتگو کرتے ہوئے کہا ہے کہ شہید بننے کیلئے جعلی رپورٹس بنا کرباہرنہیں جایاجاتا ، شہیدبننےکیلئےسب سےقیمتی چیزجان نچھاورکرنی ہوتی ہے۔

انہوں نے کہا کہ نوازشریف نے پہلے جونیجو پھرضیاالحق کودھوکا دیا ، وزیراعظم کی کرسی شربت نہیں جو گلاس میں گھولیں اورپی لیں ، مریم نوازبتائیں اپارٹمنٹ کہاں سےلیے،رسیدیں دیں ، کیا تہہ خانےمیں کام کرنےوالےجنات پیسہ بنارہے تھے؟

معاون خصوصی برائے سیاسی ابلاغ شہبازگل نے کہا کہ 200 سال قبل میرجعفرصادق نےجوحرکت کی نوازشریف نے بھی وہی کی ، نوازشریف میرجعفرکےنام سے1765میں پہلی بارپیداہوئے ، میرجعفرنے سراج الدولہ کودھوکا دیا تھا۔

شہبازگل نے کہا کہ نوازشریف دوسری مرتبہ1799میں پیداہوئے ، نوازشریف1799میں میرصادق کےنام سےپیداہوئے ، 200 سال بعد1999میں نوازشریف نےملکی سلامتی پرشب خون مارا ، نوازشریف بنانہیں جاسکتا،نوازشریف پیداہوتاہے ، میرانہیں خیال آنےوالے200سالوں میں کوئی نوازشریف پیداہوگا۔

انہوں نے کہا کہ مریم نوازکی اکثرباتوں سےاتفاق نہیں کرتا ، نوازشریف نہ بننےکی بات سےاتفاق کرتاہوں ، سیاسی چڑیل بھی ہمیں جادوٹونےکےطعنے دےرہی ہے ، سیاسی چڑیل کےشرسےابو،چچا اور پارٹی والےمحفوظ نہیں ، سیاسی چڑیل کبھی اپنی توکبھی دوسروں کی ویڈیوزنکال دیتی ہیں۔

معاون خصوصی برائے سیاسی ابلاغ شہبازگل نے کہا کہ سیاسی چڑیل کے شر سے چچا سمیت کوئی محفوظ نہیں ، جمائمہ کیخلاف جھوٹےکیسز اور بےنظیرکی تصاویرانہوں نےہی پھینکیں ، ہمیں اس سےکوئی خوف نہیں۔

اس سے قبل معاون خصوصی برائے سیاسی ابلاغ شہباز گل نے ٹوئٹر پر جاری ایک پیغام میں کہا تھا کہ کورونا کی وجہ سے پوری دنیا میں مہنگائی میں مزید اضافہ ہو گا۔

معاون خصوصی برائے سیاسی ابلاغ شہباز گل نے کہا تھا کہ آئی ایم ایف نے اپنی 2021 امریکی ترقی کی پیش گوئی کو 1 فیصد پوائنٹ سے گھٹا دیا ہے ، کمپیوٹر چپ کی کمی، بندرگاہوں پر شدید دباؤ اور ٹرک ڈرائیورز کی کمی بڑی وجہ ہے۔