موضع چناڑ میں مقبرہ تقسیم کے وقت فریقین کا آپس میں جھگڑا ہوا جس کے نتیجے میں باپ سمیت 5 افراد زخمی جبکہ 2 بیٹے جاں بحق ہوگئے ہیں۔
تفصیلات کے مطابق سواڑی پولیس کا کہنا ہے کہ تھانہ سٹی سواڑی کے حدود میں واقع موضع چناڑ میں 2 فریقین کا مبینہ طور پر مقبرہ کی تقسیم کے موقع پر آپس میں جھگڑا ہوا، جھگڑے میں فریق اول ارزو مند کے 2 بیٹے عبد الرحمان اور سید رحمان جاں بحق ہوگئے جبکہ آرزو مند زخمی ہے، فریق دوئم سے عمر خان ولد عبد القدوس، امتیاز ولد امیر زمان، زاہد ولد بختی روان اور انعام ولد نجیب رحمان زخمی ہوئے ہیں، پولیس نے بتایا کہ جھگڑے میں فائرنگ کے ساتھ ساتھ دونوں فریقین نے ایک دوسرے پر چاقو کے وار بھی کئے ہیں۔
سواڑی پولیس کے مطابق جھگڑا مقبرے کی تقسیم کے وقت ہوا ہے دونوں فریقین آپس میں رشتہ دار بتائے جاتے ہیں، وجہ عناد دونوں رشتہ دار فریقوں نے کچھ عرصہ قبل مقبرے کے لیے زمین خریدی تھی مبینہ طور پر گھریلو ناچاقی کی وجہ سے مقبرہ کی بٹوارے کے دوران جھگڑا ہوا ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
