قومی ہیرو شعیب اختر کے ساتھ کی گئی تذلیل ناقابلِ برداشت ہے، وزیراعظم

تنزیلہ قریشی

28th Oct, 2021. 07:00 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

قومی ہیرو شعیب اختر کے ساتھ کی گئی تذلیل ناقابلِ برداشت ہے، وزیراعظم
بڑی سیاسی ہلچل، ن لیگ اور پیپلز پارٹی کا آزاد کشمیر حکومت کے خلاف عدم اعتماد لانے کا فیصلہ
جنرل ساحر شمشاد مرزا کا دورہ بنگلادیش، دفاعی و سلامتی تعاون مزید مضبوط بنانے پر اتفاق
اردن، فیلڈ مارشل سید عاصم منیر کی شاہ عبداللہ دوم سے ملاقات، دفاعی و سلامتی تعاون بڑھانے پر اتفاق

Now Reading:

قومی ہیرو شعیب اختر کے ساتھ کی گئی تذلیل ناقابلِ برداشت ہے، وزیراعظم

وزیر اعظم عمران خان نے کہا ہے کہ قومی ہیرو شعیب اختر کے ساتھ کی گئی تذلیل ناقابلِ برداشت ہے۔

تفصیلات کے مطابق 26 اکتوبر کو سرکاری ٹی وی پر لائیو شو کے دوران پروگرام کے میزبان ڈاکٹر نعمان نیاز نے شعیب اختر سے بدتمیزی کی جس پر وزیر اعظم عمران خان برہم ہوگئے، وزیر اعظم نے وزارت اطلاعات سے معاملے پر رپورٹ مانگ لی۔

وزیر اعظم عمران خان نے کہا کہ قومی ہیرو کے ساتھ کی گئی تذلیل ناقابلِ برداشت ہے، وزارت اطلاعات ذمہ داران کے خلاف سخت کارروائی کرے۔

واضح رہے کہ 26 اکتوبر کو پاکستان اور نیوزی لینڈ کے درمیان میچ کے بعد سرکاری ٹی وی پر لائیو شو کے دوران پروگرام کے میزبان ڈاکٹر نعمان نیاز نے ویون رچرڈز اور ڈیوڈ گاور سمیت دیگر مہمانوں کے سامنے شعیب اختر سے شو چھوڑ کر جانے کا کہا تھا۔

آئی سی سی ٹی ٹوئنٹی ورلڈ کپ میں شاندار کارکردگی پر اسپیڈ اسٹار شعیب اختر نے حارث رؤف کی تعریف کی اور اس کا کریڈیٹ لاہور قلندرز کے پلیئر ڈولپمنٹ پروگرام کو دیا۔

سرکاری ٹی وی کے میزبان کو قلندرز کی تعریف شاید پسند نہ آئی اور جواب میں وہ شعیب اختر سے ہی نا شائستہ رویہ اپنا بیٹھے اور انہیں شو سے اٹھ جانے کو کہہ دیا۔