زرداری کراچی کیلئے ایک بیماری ہے، رابستان خان

تنزیلہ قریشی

13th Oct, 2021. 06:19 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

زرداری کراچی کیلئے ایک بیماری ہے، رابستان خان

رکن سندھ اسمبلی رابستان خان نے کہا ہے کہ زرداری کراچی کیلئے ایک بیماری ہے۔

تفصیلات کے مطابق رکن سندھ اسمبلی رابستان خان نے واٹر بورڈ کے ہیڈ آفس میں پانی کے حوالے سے احتجاج سے خطاب کرتے ہوئے کہا کہ آج ضلع غربی کے لوگ اپنے حق کیلئے نکلے ہیں، ہم کئی بار اسمبلی میں کہہ چکے ہیں کہ پانی مافیا کا ایک سسٹم ہے، سسٹم کا سربراہ آصف زرداری ہے۔

رابستان خان کا کہنا تھا کہ ایم ڈی واٹر بورڈ اس سسٹم کا موہرا ہے، انہیں بس پیسہ چاہیے، انہیں اس پیسے سے بلاول ہاؤس چلانا ہے، یہاں ایم ڈی واٹر بورڈ یزید کا کردار نبھا رہا ہے۔

رکن سندھ اسمبلی رابستان خان نے کہا کہ ہم نے ایم ڈی کو پانی کیلئے درخواست کی تو کہا گیا سسٹم کے ذریعے آئے، عوام کو اپنے حق کیلئے نکلنا ہوگا، یہ سسٹم کراچی کو کربلا بنا رہے ہیں، زرداری کراچی کیلئے ایک بیماری ہے۔

دوسری جانب رکن سندھ اسمبلی سعید آفریدی نے واٹر بورڈ کے ہیڈ آفس میں پانی کے حوالے سے احتجاج سے خطاب کرتے ہوئے کہا کہ بلاول بھٹو بتائیں عوام کو نل سے پانی کیسے ملے گا؟

رکن سندھ اسمبلی سعید آفریدی کا کہنا تھا کہ پیپلز پارٹی کی حکومت نے اسکولوں کی ڈیسکوں اسپتالوں کی ادویات میں کرپشن کی، جب ٹینکرز کو پانی مل رہا ہے تو عوام پانی کو کیوں ترس رہی ہے؟ سندھ حکومت نے شہر کی عوام کو ایک بس نہیں دی۔