شوگر ملز عمران خان کی نہیں شریفوں اور زرداری کی ہیں، مراد سعید

تنزیلہ قریشی

31st Oct, 2021. 04:41 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شوگر ملز عمران خان کی نہیں شریفوں اور زرداری کی ہیں، مراد سعید

وفاقی وزیر مواصلات مراد سعید نے کہا ہے کہ شوگر ملز عمران خان کی نہیں شریفوں اور زرداری کی ہیں۔

وفاقی وزیر مراد سعید نے اپنے جاری کردہ ایک بیان میں کہا کہ 2013 میں پی ٹی آئی کو دہشت گردی سے تباہ صوبہ ملا، شوگر ملز عمران خان کی نہیں شریفوں اور زرداری کی ہیں۔

ان کا کہنا تھا کہ اگر انہیں عوام کا احساس ہے تو احتجاج نہ کریں اپنی ملز سے چینی سستی کردیں، ماضی کی حکومتوں نے بجلی کے مہنگے معاہدے کیے، ماضی کی حکومتوں کی وجہ سے آج بجلی استعمال ہو یا نہ ہو پیسے دینے پڑتے ہیں۔

مراد سعید نے کہا کہ سیاحت کا فروغ ہوگا تو روزگار ملے گا، خوشحالی آئے گی، وزیر اعظم عمران خان نے دنیا کوآئینہ دکھایا، آپ کے پیٹ میں حرام کی کمائی ہے عوام کو آپ نے لوٹا ہے۔

انہوں نے کہا کہ آج ڈی جی خان میں اچار پارٹیوں کی میٹنگ ہے، ناموس رسالت ﷺ پر وزیر اعظم نے دنیا کو پیغام دیا، انصاف کارڈ دے کر آپکا علاج مفت کردیا گیا، جب اسلام کو دہشت گردی سے جوڑا جارہا تھا تو سب خاموش تھے۔

وفاقی وزیر مواصلات مراد سعید کا کہنا تھا کہ دسمبر سے پورے پنجاب میں صحت کارڈ دیا جارہا ہے۔