سعودی عرب میں مختلف شعبوں میں کام کرنے والے پاکستانی بڑا اثاثہ ہیں، وزیر خزانہ

تنزیلہ قریشی

11th Oct, 2021. 07:01 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سعودی عرب میں مختلف شعبوں میں کام کرنے والے پاکستانی بڑا اثاثہ ہیں، وزیر خزانہ

وزیر خزانہ شوکت ترین نے کہا ہے کہ سعودی عرب میں مختلف شعبوں میں کام کرنے والے پاکستانی بڑا اثاثہ ہیں۔

تفصیلات کے مطابق وزیر خزانہ شوکت ترین سے سعودی سفیر نواف بن سعید المالکی نے ملاقات کی ہے جس میں باہمی دلچسپی، تجارتی اور اقتصادی تعاون اور تعلقات کو مزید مستحکم کرنے پر بات چیت کی گئی۔

وزیر خزانہ شوکت ترین نے کہا کہ سعودی عرب میں مختلف شعبوں میں کام کرنے والے پاکستانی بڑا اثاثہ ہیں، بیرون ملک مقیم پاکستانی ترسیلات زر بھیج کر معیشت کی ترقی میں اہم کردار ادا کررہے ہیں۔

وزیر خزانہ کا کہنا تھا کہ سعودی عرب زراعت اور فوڈ سکیورٹی کے شعبے میں تعاون بڑھا سکتا ہے، سعودی عرب غیر ملکی سرمایہ کاری کیلئے شعبے اوپن کررہا ہے۔

وزیر خزانہ شوکت ترین نے مزید کہا کہ مختلف شعبوں میں باہمی سرمایہ کاری کو فروغ دیا جا سکتا ہے۔