بے روزگاری اور مہنگائی کا سونامی تھمنے کا نام نہیں لے رہا، سراج الحق

تنزیلہ قریشی

31st Oct, 2021. 06:19 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بے روزگاری اور مہنگائی کا سونامی تھمنے کا نام نہیں لے رہا، سراج الحق

امیر جماعت اسلامی سراج الحق نے کہا ہے کہ بے روزگاری اور مہنگائی کا سونامی تھمنے کا نام نہیں لے رہا۔

امیر جماعت اسلامی سراج الحق نے اپنے ایک بیان میں کہا کہ جھوٹ اور لوٹ مار حکمران اشرافیہ کی سیاست کا وطیرہ ہے، قوم کے ساتھ 73 برسوں سے دھوکہ ہو رہا ہے، چند خاندانوں نے 22 کروڑ عوام کو یرغمال بنایا ہوا ہے۔

انہوں نے کہا کہ پی ٹی آئی کے سوا 3 سال یوٹرنز، مہنگائی، بے روزگاری اور مافیاز کے نام رہے، حکومت نے اپنے سپورٹرز کو بھی مایوس کردیا، آئی ایم ایف سے مل کر اسٹیٹ بینک پر ریاستی عمل دخل ختم کرنے کی کوششوں کی شدید مذمت کرتے ہیں، قومی اداروں کو اونے پونے بیچنے کی سازشیں ہو رہی ہیں۔

سراج الحق کا کہنا تھا کہ ملکی معیشت اور نظریہ پر تابڑ توڑ حملے ہو رہے ہیں، موجودہ حکومت کے دور میں ملکی گاڑی ریورس گیئر پر ہے، بے روزگاری اور مہنگائی کا سونامی تھمنے کا نام نہیں لے رہا، موجودہ اور سابقہ حکومتوں نے ملک کے ہر ادارے کو تباہ کیا۔

امیر جماعت اسلامی سراج الحق نے مزید کہا کہ جمہوریت کے نام پر جمہوریت سے مذاق کیا گیا ہے۔