وزیراعظم عمران خان نے تمام اداروں کو متحرک کرکے عوامی ریلیف کے اقدامات میں تیزی لانے کی ہدایت جاری کی ہے۔

تفصیلات کے مطابق وزیراعظم نے لاہور میں وزیراعلیٰ پنجاب سردار عثمان بزدارسے ملاقات کی ،ملاقات میں وزیراعلیٰ نے وزیراعظم عمران خاں کو صوبے کے امور پربریفنگ دی۔

ذرائع کے مطابق وزیراعلیٰ پنجاب نے وزیراعظم عمران خان کو بلدیاتی اداروں کو فعال کرنے کے اورآئندہ بلدیاتی نظام کے حوالے سے بریفنگ دی۔

اس مو قع پر وزیراعظم نے کہاکہ تمام اداروں کو متحرک کرکے عوامی ریلیف کے اقدامات میں تیزی لائی جائے۔

وزیراعظم عمران خان نے مزید کہاکہ حکومت مختلف پروگرامز کے ذریعے کمزور طبقات کو ریلیف فراہم کررہی ہے۔

وزیراعلیٰ پنجاب عثمان بزدار نے وزیراعظم کو پنجاب میں عوامی ریلیف کے لئے حکومت پنجاب کے اقدامات سے بھی اگاہ کیا۔

اس مو قع پروزیراعظم کو صوبے میں جاری ترقیاتی منصوبوں بارے میں بھی بریف کیا گیا اور مہنگائی کی روک تھام کے لئے حکومتی اقدامات کے بارے بھی آگاہ کیا۔

وزیراعلیٰ پنجاب نے کہاکہ پنجاب میں عوامی ریلیف پرفوکس ہے ،صوبہ بھر میں ترقیاتی منصوبو ں کا سلسلہ تیزی سے جاری ہے۔

وزیراعظم کی گورنر پنجاب سے ملاقات

 وزیرِ اعظم عمران خان سے گورنر پنجاب چوہدری محمد سرور کی بھی ملاقات ہوئی ، ملاقات میں پنجاب کے انتظامی امور اور مجموعی سیاسی صورتحال پر گفتگو کی گئی۔

ذرائع کے مطابق گورنر پنجاب چوہدری محمد سرورنے وزیراعظم عمران خان کو دورہ یورپ پر بریفنگ دیتے ہوئے بتایا کہ دور ہ یورپ کے دوران جی ایس پی پلس میں توسیع کے لئے ارکان پارلیمنٹ سے ملاقاتیں کیں۔

وزیرِ اعظم عمران خان: لاہور دورہ

وزیرِ اعظم عمران خان سے گورنر پنجاب چوہدری محمد سرور کی ملاقات.

ملاقات میں پنجاب کے انتظامی امور اور مجموعی سیاسی صورتحال پر گفتگو. pic.twitter.com/Hh4R4bKNwu

— Prime Minister’s Office, Pakistan (@PakPMO) October 22, 2021

گورنرپنجاب نے وزیراعظم کو بتایاکہ یورپی پارلیمنٹ کے 4 نائب صدورسمیت 30 یورپی اراکین پارلیمنٹ سے ملاقات ہوئی۔

گورنرپنجاب نے وزیرعظم کو بریفنگ دیتے ہوئے بتایاکہ برسلز، ہنگری، اٹلی میں بھی اہم ملاقاتیں کیں ،انشاءاللہ جی ایس پلس سٹیٹس میں توسیع کا فیصلہ پاکستان کے حق میں آئے گا۔

چوہدری محمد سرورنے بتایاکہ یورپی پارلیمنٹ کے اراکین امن کے لیے پاکستانی کردار کے متعرف ہیں، افغان امن عمل کے لیے پاکستانی کردار کو یورپ میں سب سراہ رہے ہیں۔

ذرائع کے مطابق وزیر اعظم عمران خان نے جی ایس پی پلس سٹیٹس میں توسیع کے لیے گورنر پنجاب کے کردار کو سراہا۔

اس مو قع پرچوہدری محمد سرور نے مزید بتایاکہ یورپی اراکین پارلیمنٹ نے جی ایس پلس سٹیٹس میں توسیع کے لیے تعاون کی یقین دہانی کرائی ہے۔

ملاقات میں سیاسی اور حکومتی امور پر بھی تفصیلی بات چیت کی گئی۔

وزیراعظم عمران خان سے گورنر و وزیر اعلیٰ پنجاب کی حلقہ این اے 133 کے انتخابات کے بارے میں حکمت عملی پر بھی مشاورت ہوئی۔

واضح رہے کہ وزیر اعلیٰ کی جانب سے وزیراعظم عمران خان کو عشرہ رحمت العالمینﷺ کی رپورٹ بھی پیش کی گئی۔